Popular Bible Verses from Injil 3: Luk 23

Deildu

Ou shomoy Isae ḳoila, “Baba, erare maf ḳori dilao. Tara to buzer na tara ita kita ḳorer.” Bade tara tan ḳafoṛ-sufoṛ nita ḳori loṭari maria baṭa-baṭi korla.

Tain ḳoila, “Ami tumare hok kota ḳoiram, tumi aiz taki-u amar loge arshe-azimo taḳbae.”

Bade he ḳoilo, “O Isa, afne firia aia zebla nize bashshai korba, ou shomoy ḳano amare iad raḳoin zanu.”

Heshe Isae zure aoaz ḳoria ḳoila, “Baba, amar ruhu tumar ato shofia dilailam.” Oḳan ḳoia-u aḳeri dom falaia inteḳal ḳorla.

Bade Matar-Kuli namor zagat ania, tara Isare ar hou duio dagi ashamire gasor ṭukradi banail solibo loṭḳailo, eḳzonre tan ḍain galat, aroḳzonre bau galat loṭḳailo.

Ou shomoy beil onuman duifor, erbad taki zuhoror bad forzonto tin gonṭa dori asta desh andair oigelo. Shuruzor for nibigelo. Ermaze Zeruzalemo Kaba goror fobitro Herem Shorifor fordaḳan, ufre taki tol forzonto siṛia dui ṭukra oigelo.

Ruman sifair ze boṛo ofisar hono fara deoat asla, ein Isar moutor i halot dekia Allar tarif ḳoria ḳoila, “Nichchoy, i besaṛa ḳaṭi dindar manush asla.”