Popular Bible Verses from Tourat 1: Foyda Nama 35

Deildu

Allae tanre ḳoila, “Ami-u Shorbo-shoktiman Alla. Tumi folala oia baṛo. Tuma tone eḳ zati foyda oibo, iṭa oibo bout gusṭiala zati, ar tumar ḳandano bashsha oḳol foyda oiba. Ami Ibrahim ar Isʼhakre ze desh dan ḳorsi, hou desh oḳon tumare ar tumar bador oarishre dimu.”

Ar solo, amra Betelo zaitamgi. Hono ami Allar name ekkan kurbani kana banaimu, zein mosibotor dino amar dua kobul ḳorsla, ar amar soforor logi oisla.”

Allae ḳoila, “Tumar nam to Iakub; oile manshe tumare ar Iakub ḳoia ḍakta nae, tumare Israil ḳoiba.” Teu tan nam oilo Israil.

Teu Iakube tan afon manshore ar logor hoḳolre ḳoila, “Tumrar gese devtar zeta murtin ase, ita hokkolṭi falao; ar hoḳole fak-saf oia, saf-sutra lebas findo.

Erbade Alla Pake Iakubre ḳoila, “Tumi hirbar Betelo zaogi. Tumar bai Ishʼor ges tone bagibar bala, zein tumare doroshon disla, hou Alla Pakor name tumi hono ekkan kurbani kana banao.”

Oile Rahela mara gela. Morar shomoy tain fuar nam raḳla Bin-Oni [mani, amar toklifor fua] oile bafe tar nam raḳla Bin-Iamin [mani, amar bolor fua].