Popular Bible Verses from ꠁꠘ꠆ꠎꠤꠟ ১: ꠝꠕꠤ 8

Deildu

ꠁꠍꠣꠄ ꠎꠥꠀꠙ ꠖꠤꠟꠣ, “ꠅ ꠇꠝꠎꠥꠞ ꠁꠝꠣꠘꠖꠣꠞ ꠅꠇꠟ, ꠔꠥꠝꠞꠣ ꠒꠞꠣꠁꠞꠣꠄ ꠇꠦꠘꠦ?” ꠅꠈꠣꠘ ꠇꠁꠀ ꠔꠣꠁꠘ ꠃꠑꠤꠀ ꠔꠥꠚꠣꠘ ꠀꠞ ꠀꠅꠞꠞꠦ ꠗꠝꠇ ꠖꠤꠟꠣ, ꠔꠦꠃ ꠢꠇ꠆ꠇꠟꠔꠣ ꠕꠤꠞ ꠅꠁꠉꠦꠟ।

ꠔꠦꠃ ꠍꠥꠛꠦꠖꠣꠞꠦ ꠇꠁꠟꠣ, “ꠢꠥꠎꠥꠞ, ꠀꠙꠘꠣꠞ ꠝꠔ ꠎꠘꠦ ꠀꠝꠣꠞ ꠛꠣꠠꠤꠔ ꠔꠡꠞꠤꠚ ꠘꠤꠔꠣ, ꠀꠝꠤ ꠔ ꠄꠞ ꠟꠣꠈ ꠘꠣꠄ। ꠀꠙꠘꠦ ꠈꠣꠟꠤ ꠝꠥꠈ-ꠈꠣꠘꠖꠤ ꠇꠁꠟꠦꠃ ꠢꠦ ꠜꠣꠟꠣ ꠅꠁꠎꠤꠛ।

ꠁꠈꠣꠘ ꠢꠥꠘꠤꠀ ꠁꠍꠣ ꠄꠇ꠆ꠇꠦꠞꠦ ꠔꠣꠁꠎ꠆ꠎꠥꠛ ꠅꠁꠉꠦꠟꠣ, ꠔꠣꠘ ꠈꠞꠦ ꠅꠁꠀ ꠎꠔ ꠝꠣꠘꠥꠡ ꠀꠅꠀꠔ ꠀꠍꠤꠟ, ꠄꠞꠣꠞꠦ ꠇꠁꠟꠣ, “ꠀꠝꠤ ꠔꠥꠝꠞꠣꠞꠦ ꠢꠣꠍꠣꠃ ꠇꠁꠞꠣꠝ, ꠁ ꠍꠥꠛꠦꠖꠣꠞ ꠔ ꠛꠤꠗꠞ꠆ꠝꠤ ꠞꠥꠝꠣꠘ ꠝꠣꠘꠥꠡ, ꠅꠁꠟꠦ ꠀꠝꠣꠞ ꠛꠘꠤ ꠁꠍꠞꠣꠁꠟꠞ ꠝꠣꠎꠦꠅ ꠅꠔ ꠛꠠ ꠝꠎꠛꠥꠔ ꠁꠝꠣꠘꠖꠣꠞ ꠀꠝꠤ ꠀꠞ ꠖꠦꠈꠍꠤ ꠘꠣ।

ꠛꠣꠖꠦ ꠁꠍꠣꠄ ꠅꠃ ꠍꠥꠛꠦꠖꠣꠞꠞꠦ ꠇꠁꠟꠣ, “ꠔꠥꠝꠤ ꠎꠣꠅꠉꠤ। ꠔꠥꠝꠤ ꠎꠦꠟꠣ ꠄꠇꠤꠘ ꠇꠞꠍ, ꠅꠟꠣꠃ ꠅꠃꠇ।” ꠢꠣꠍꠣꠃ, ꠟꠉꠦ ꠟꠉꠦꠃ ꠢꠃ ꠉꠥꠟꠣꠝ ꠜꠣꠟꠣ ꠅꠁꠉꠦꠟ।

ꠁ ꠇꠦꠞꠣꠝꠔꠤ ꠖꠦꠈꠤꠀ ꠔꠣꠞꠣ ꠔꠣꠁꠎ꠆ꠎꠥꠛ ꠅꠁꠀ ꠇꠁꠟꠣ, “ꠄꠁꠘ ꠀꠍꠟꠦ ꠇꠦ? ꠔꠥꠚꠣꠘ ꠀꠞ ꠀꠅꠞꠦꠅ ꠖꠦꠈꠤ ꠔꠣꠘ ꠢꠥꠇꠥꠝ ꠝꠣꠘꠦ!”