Popular Bible Verses from ꠁꠘ꠆ꠎꠤꠟ ৩: ꠟꠥꠇ 8

Deildu

ꠜꠣꠟꠣ ꠎꠝꠤꠘꠅ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠦꠞꠣ ꠢꠇ ꠀꠞ ꠍꠢꠤ ꠖꠤꠟꠦ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠦ, ꠢꠥꠘꠤꠀ ꠘꠤꠎꠞ ꠖꠤꠟꠅ ꠜꠣꠟꠣꠝꠘ꠆ꠔꠦ ꠉꠣꠕꠤꠀ ꠞꠣꠈꠦ, ꠀꠞ ꠁꠝꠣꠘꠦ ꠝꠎꠛꠥꠔ ꠞꠁꠀ ꠎꠤꠘ꠆ꠖꠦꠉꠤꠔ ꠜꠣꠟꠣ ꠚꠟ ꠗꠞꠦ।

ꠛꠘ-ꠎꠋꠟꠣꠔ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠦꠞꠣ ꠁꠝꠣꠘꠞ ꠖꠣꠅꠔ ꠢꠥꠘꠦ, ꠅꠁꠟꠦ ꠖꠥꠘꠤꠀꠛꠤ ꠗꠣꠘ꠆ꠖꠣꠔ ꠙꠠꠤꠀ ꠗꠘ-ꠍꠣꠝꠣꠘꠣꠞ ꠟꠣꠟꠌ, ꠀꠞ ꠀꠞꠣꠝ-ꠀꠄꠄꠡꠞ ꠛꠣꠄ ꠌꠣꠁꠀ ꠁꠔꠣ ꠚꠣꠃꠞꠤꠟꠣꠄ। ꠄꠞꠖꠣꠄ ꠔꠣꠞꠣꠞ ꠎꠤꠘ꠆ꠖꠦꠉꠤꠔ ꠇꠥꠘꠥ ꠜꠣꠟꠣ ꠚꠟ ꠗꠞꠦ ꠘꠣ।

ꠀꠞ ꠢꠥꠇꠘꠣ-ꠡꠇ꠆ꠔ ꠝꠣꠐꠤꠞ ꠃꠙꠞꠦ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠣꠞꠣ ꠁ ꠇꠣꠟꠣꠝ ꠛꠦꠡ ꠈꠥꠡꠤ ꠅꠁꠀ ꠢꠥꠘꠦ, ꠅꠁꠟꠦ ꠇꠣꠟꠣꠝꠦ ꠔꠣꠞꠣꠞ ꠖꠤꠟꠅ ꠜꠣꠟꠣꠝꠘ꠆ꠔꠦ ꠎꠠ ꠇꠞꠦ ꠘꠣ। ꠄꠞꠖꠣꠄ ꠁ ꠁꠝꠣꠘ ꠕꠥꠠꠣ ꠇꠄꠖꠤꠘ ꠐꠤꠇꠦ, ꠇꠥꠘꠥ ꠙꠞꠤꠇ꠆ꠇꠣꠔ ꠙꠠꠟꠦꠃ ꠔꠣꠞꠣꠞ ꠁꠝꠣꠘ ꠈꠥꠀꠁꠟꠣꠄ।

ꠁꠍꠣꠄ ꠔꠣꠞꠣꠞꠦ ꠇꠁꠟꠣ, “ꠅꠃ ꠅꠔꠣ ꠘꠤ ꠔꠥꠝꠞꠣꠞ ꠁꠝꠣꠘ?” ꠔꠣꠞꠣ ꠒꠞꠣꠁꠀ ꠔꠣꠁꠎ꠆ꠎꠥꠛ ꠅꠁꠀ ꠄꠇꠦ-ꠅꠁꠘ꠆ꠘꠞꠦ ꠇꠁꠟꠣ, “ꠄꠁꠘ ꠀꠍꠟꠦ ꠇꠦ, ꠖꠦꠈꠞꠣꠄ ꠘꠤ ꠛꠣꠔꠣꠡꠦ ꠀꠞ ꠙꠣꠘꠤꠄꠅ ꠔꠣꠘ ꠢꠥꠇꠥꠝ ꠝꠣꠘꠦ?”

ꠀꠁꠟꠞ ꠝꠣꠎꠦ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠦꠞꠣ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠦ, ꠛꠣꠖꠦ ꠁꠛꠟꠤꠍꠦ ꠀꠁꠀ ꠔꠣꠞꠣꠞ ꠖꠤꠟ ꠕꠣꠇꠤ ꠁꠔꠣ ꠇꠣꠠꠤꠀ ꠘꠦꠄꠉꠤ। ꠁꠛꠟꠤꠍꠦ ꠌꠣꠄ ꠘꠣ ꠝꠣꠘꠡꠦ ꠁꠝꠣꠘ ꠀꠘꠤꠀ ꠘꠣꠎꠣꠔ ꠢꠣꠍꠤꠟ ꠇꠞꠃꠇ।

ꠔꠦ ꠁꠟꠣ ꠉꠣꠁꠛꠤ ꠇꠥꠘ꠆ꠔꠣꠃ ꠘꠣꠁ ꠎꠦꠔꠣ ꠎꠣꠁꠞ ꠅꠁꠔ ꠘꠣꠄ। ꠁꠟꠣ ꠟꠥꠇꠣꠁꠟꠅ ꠇꠥꠘ꠆ꠔꠣ ꠘꠣꠁ ꠎꠦꠔꠣ ꠇꠦꠃ ꠢꠥꠘꠔ ꠘꠣꠄ ꠛꠣ ꠎꠣꠘꠔ ꠘꠣꠄ।

ꠅꠃ ꠛꠦꠐꠤꠄ ꠎꠦꠛꠟꠣ ꠖꠦꠈꠟ ꠗꠞꠣ ꠙꠠꠤꠉꠦꠍꠦ, ꠔꠣꠁ ꠇꠣꠙꠤ ꠇꠣꠙꠤ ꠁꠍꠣꠞ ꠍꠣꠝꠘꠦ ꠀꠁꠀ ꠔꠣꠘ ꠙꠣꠅ-ꠅ ꠙꠠꠤꠀ ꠢꠇꠟꠞ ꠍꠣꠝꠘꠦꠃ ꠇꠁꠟ, ꠇꠦꠘꠦ ꠔꠣꠁ ꠁꠍꠣꠞꠦ ꠍꠁꠍꠤꠟ ꠀꠞ ꠇꠤꠟꠣꠘ ꠟꠉꠦ ꠟꠉꠦꠃ ꠜꠣꠟꠣ ꠅꠁꠉꠦꠍꠦ। ꠁꠍꠣꠄ ꠛꠦꠐꠤꠞꠦ ꠇꠁꠟꠣ, “ꠝꠣꠁ ꠉ, ꠔꠥꠝꠤ ꠄꠇꠤꠘ ꠇꠞꠍ ꠇꠞꠤ ꠜꠣꠟꠣ ꠅꠁꠍ। ꠅꠈꠘ ꠡꠣꠘ꠆ꠔꠤꠄ ꠛꠣꠠꠤꠔ ꠎꠣꠅ।”

ꠍꠣꠢꠣꠛꠤ ꠅꠇꠟ ꠁꠍꠣꠞ ꠗꠣꠞꠅ ꠉꠤꠀ ꠔꠣꠘꠦ ꠢꠎꠣꠉ ꠇꠞꠤꠀ ꠇꠁꠟꠣ, “ꠢꠥꠎꠥꠞ, ꠢꠥꠎꠥꠞ, ꠀꠝꠞꠣꠘꠥ ꠝꠞꠤꠎꠤꠞꠣꠝ।” ꠁꠍꠣ ꠃꠑꠤꠀ ꠙꠣꠘꠤꠞ ꠓꠦꠃ ꠀꠞ ꠛꠣꠔꠣꠡꠞꠦ ꠗꠣꠝꠇꠤ ꠖꠤꠟꠣ। ꠟꠉꠦ ꠟꠉꠦꠃ ꠓꠦꠃ ꠀꠞ ꠔꠥꠚꠣꠘ ꠕꠣꠝꠤꠀ ꠢꠇꠟꠔꠣ ꠕꠤꠞ ꠅꠁꠉꠦꠟ।