Popular Bible Verses from ꠁꠘ꠆ꠎꠤꠟ ৩: ꠟꠥꠇ 5

Deildu

ꠘꠍꠤꠅꠔ ꠛꠣꠖꠦ ꠔꠣꠁꠘ ꠎꠣꠟꠥꠀ ꠍꠣꠁꠝꠘꠞꠦ ꠇꠁꠟꠣ, “ꠘꠣꠅꠈꠣꠘ ꠉꠁꠘ ꠙꠣꠘꠤꠔ ꠘꠦꠅ ꠀꠞ ꠎꠣꠟ ꠚꠣꠟꠣꠅ।”

ꠍꠣꠁꠝꠘꠦ ꠇꠁꠟꠣ, “ꠢꠥꠎꠥꠞ, ꠀꠡ꠆ꠔꠣ ꠞꠣꠁꠔ ꠇꠡ꠆ꠐ ꠇꠞꠤꠀꠅ ꠇꠥꠘꠥ ꠝꠣꠍ ꠙꠣꠁꠍꠤ ꠘꠣ, ꠔꠣ-ꠅ ꠀꠙꠘꠣꠞ ꠇꠕꠣꠄ ꠎꠣꠟ ꠚꠣꠟꠣꠁꠞꠣꠝ।” ꠎꠣꠟ ꠚꠣꠟꠣꠘꠤꠞ ꠛꠣꠖꠦ ꠅꠔ ꠛꠦꠡꠤ ꠝꠣꠍ ꠎꠣꠟꠅ ꠢꠣꠝꠣꠁꠟꠣ, ꠝꠣꠍꠞ ꠑꠦꠟꠣꠄ ꠎꠣꠟ ꠚꠣꠞꠤꠎꠤꠛꠣꠞ ꠖꠡꠣ।

ꠅꠁꠟꠦ ꠔꠣꠁꠘ ꠇꠥꠘꠥ ꠘꠣ ꠇꠥꠘꠥ ꠘꠤꠞꠣꠁ ꠎꠣꠉꠣꠔ ꠉꠤꠀ ꠢꠣꠝꠦꠡꠣ ꠖꠥꠀ ꠇꠞꠔꠣ।

ꠔꠦ ꠀꠝꠤꠅ ꠙꠞꠦꠎꠉꠣꠞ ꠅꠇꠟꠞꠦ ꠖꠣꠅꠔ ꠖꠦꠅꠀꠔ ꠀꠁꠍꠤ ꠘꠣ, ꠈꠣꠟꠤ ꠉꠥꠘꠣꠉꠣꠞ ꠅꠇꠟꠞꠦ ꠖꠣꠅꠔ ꠖꠦꠅꠀꠔ ꠀꠁꠍꠤ, ꠎꠣꠔꠦ ꠔꠣꠞꠣ ꠔꠃꠛꠣ ꠇꠞꠂꠘ।”

ꠁꠔꠣ ꠖꠦꠈꠤꠀ, ꠍꠣꠁꠝꠘ-ꠙꠤꠔꠞꠦ ꠁꠍꠣꠞ ꠙꠣꠅ-ꠅ ꠙꠠꠤꠀ ꠇꠁꠟꠣ, “ꠢꠥꠎꠥꠞ, ꠀꠝꠤ ꠔ ꠉꠥꠘꠣꠉꠣꠞ ꠝꠣꠘꠥꠡ, ꠀꠝꠣꠞ ꠉꠦꠍ ꠕꠣꠇꠤ ꠔꠡꠞꠤꠚ ꠈꠣꠘ ꠘꠦꠃꠇ꠆ꠇꠣꠉꠤ।”

ꠁꠍꠣꠄ ꠔꠣꠞꠣꠞꠦ ꠎꠥꠀꠙ ꠖꠤꠟꠣ, “ꠜꠣꠟꠣ ꠝꠣꠘꠡꠞ ꠟꠣꠉꠤ ꠔ ꠒꠣꠇ꠆ꠔꠞꠞ ꠎꠞꠥꠞ ꠘꠣꠁ, ꠅꠁꠟꠦ ꠛꠦꠝꠣꠞꠤ ꠅꠇꠟꠞ ꠟꠣꠉꠤ ꠎꠞꠥꠞ ꠀꠍꠦ।

ꠛꠣꠖꠦ ꠔꠣꠞꠣ ꠘꠣꠅ ꠟꠁꠀ ꠇꠤꠘꠣꠞꠣꠔ ꠀꠁꠟꠣ, ꠀꠞ ꠢꠇ꠆ꠇꠟꠔꠣ ꠕꠁꠀ ꠁꠍꠣꠞ ꠟꠉꠦ ꠞꠅꠀꠘꠣ ꠅꠁꠉꠦꠟꠣ।

ꠄꠇꠛꠣꠞ ꠁꠍꠣ ꠄꠇ ꠉꠣꠃꠔ ꠉꠦꠟꠣ। ꠢꠃ ꠉꠣꠃꠞ ꠄꠇ ꠛꠦꠐꠣꠞ ꠀꠡ꠆ꠔꠣ ꠉꠔꠞ ꠎꠥꠠꠤ ꠘꠣꠙꠣꠇ ꠙꠌꠣ-ꠇꠥꠡ꠆ꠑ ꠛꠦꠝꠣꠞ ꠀꠍꠤꠟ। ꠁꠍꠣꠞꠦ ꠖꠦꠈꠤꠀꠃ ꠢꠦ ꠔꠣꠘ ꠙꠣꠅ-ꠅ ꠙꠠꠤꠀ ꠝꠤꠘꠔ-ꠇꠣꠎ꠆ꠎꠤ ꠟꠣꠉꠣꠁꠟ, “ꠢꠥꠎꠥꠞ, ꠀꠙꠘꠣꠞ ꠝꠘꠦ ꠌꠣꠁꠟꠦ ꠔ ꠀꠝꠣꠞꠦ ꠅꠃ ꠘꠣꠙꠣꠇ ꠛꠦꠝꠣꠞ ꠕꠣꠇꠤ ꠜꠣꠟꠣ ꠇꠞꠔꠣ ꠙꠣꠞꠛꠣ।” ꠁꠍꠣꠄ ꠀꠔ ꠛꠣꠠꠣꠁꠀ ꠔꠣꠞꠦ ꠍꠁꠀ ꠇꠁꠟꠣ, “ꠅꠄ, ꠀꠝꠤꠅ ꠌꠣꠁꠞꠣꠝ, ꠔꠥꠝꠤ ꠙꠣꠇ-ꠍꠣꠚ ꠅꠅ।” ꠇꠅꠀꠞ ꠟꠉꠦ ꠟꠉꠦꠃ ꠔꠣꠞ ꠛꠦꠝꠣꠞ ꠇꠝꠤꠉꠦꠟ।

ꠅꠁꠟꠦ ꠁꠍꠣꠞ ꠈꠛꠞ ꠌꠣꠁꠞꠅꠛꠣꠄ ꠞꠐꠤꠉꠦꠟ। ꠄꠞꠖꠣꠄ ꠔꠣꠘ ꠝꠥꠈꠞ ꠛꠥꠟꠤ ꠢꠥꠘꠣꠞ ꠟꠣꠉꠤ ꠀꠞ ꠛꠦꠝꠣꠞꠤ ꠅꠇꠟ ꠜꠣꠟꠣ ꠅꠀꠞ ꠘꠤꠅꠔꠦ, ꠛꠃꠔ ꠝꠣꠘꠥꠡ ꠔꠣꠘ ꠉꠦꠍꠦ ꠀꠁꠟꠣ।