Popular Bible Verses from ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 4

Deildu

ꠔꠣꠁꠘ ꠝꠣꠛꠥꠖꠞ ꠖꠞꠛꠣꠞꠅ ꠚꠞꠤꠀꠖ ꠇꠞꠟꠣ, “ꠅ ꠝꠣꠛꠥꠖ, ꠀꠝꠤ ꠖꠦꠡꠅ ꠕꠣꠇꠔꠦꠃ ꠔ ꠎꠣꠘꠔꠣꠝ ꠁꠟꠣꠈꠣꠘ ꠅꠁꠛ। ꠄꠞꠖꠣꠄ ꠀꠝꠤ ꠀꠉꠦꠃ ꠡ꠆ꠙꠦꠘ ꠖꠦꠡꠅ ꠢꠞꠤꠀ ꠎꠣꠁꠔꠣꠝꠉꠤ ꠌꠣꠁꠍꠟꠣꠝ। ꠀꠝꠤ ꠔ ꠎꠣꠘꠤ, ꠔꠥꠝꠤ ꠖꠄꠀ-ꠝꠝꠔꠣꠄ ꠜꠞꠣ ꠀꠟ꠆ꠟꠣ, ꠉꠥꠍꠣ ꠇꠞ ꠗꠤꠞ ꠉꠔꠤꠄ, ꠞꠢꠝ ꠇꠞ ꠛꠦꠢꠤꠡꠣꠛ, ꠀꠞ ꠉꠎꠛ ꠘꠣꠎꠤꠟꠞ ꠛꠦꠙꠣꠞꠦ ꠔꠥꠝꠣꠞ ꠝꠞ꠆ꠎꠤ ꠛꠖꠟꠣꠁꠟꠣꠅ।

ꠝꠣꠛꠥꠖꠦ ꠇꠁꠟꠣ, “ꠔꠥꠝꠤ ꠔ ꠁ ꠉꠣꠍꠞ ꠟꠣꠉꠤꠀ ꠇꠥꠘꠥ ꠇꠡ꠆ꠐ ꠇꠞꠍ ꠘꠣ, ꠀꠞ ꠁꠉꠥ ꠛꠠꠅ ꠇꠞꠍ ꠘꠣ। ꠁꠉꠥ ꠔ ꠈꠣꠟꠤ ꠄꠇ ꠞꠣꠁꠔꠦ ꠅꠁꠍꠦ, ꠀꠞ ꠄꠇ ꠞꠣꠁꠔꠦꠃ ꠝꠞꠤꠉꠦꠍꠦ, ꠔꠦꠛꠃ ꠁꠉꠥꠞ ꠟꠣꠉꠤ ꠔꠥꠝꠣꠞ ꠝꠣꠄꠀ ꠟꠣꠉꠍꠦ। ꠅꠁꠟꠦ ꠁ ꠘꠤꠘꠜ ꠐꠣꠃꠘꠅ ꠔ ꠄꠇ ꠟꠣꠈ ꠛꠤꠡ ꠀꠎꠣꠞꠞꠅ ꠛꠦꠡꠤ ꠝꠣꠘꠥꠡ ꠀꠍꠂꠘ, ꠎꠦꠞꠣ ꠘꠤꠎꠞ ꠒꠣꠁꠘ-ꠛꠣꠃ ꠇꠤꠔꠣ ꠌꠤꠘꠦ ꠘꠣ। ꠀꠞ ꠛꠃꠔ ꠢꠦꠝꠣꠘ-ꠎꠣꠘꠥꠀꠞꠅ ꠀꠍꠂꠘ, ꠔꠦ ꠅꠔ ꠛꠠ ꠐꠣꠃꠘꠞ ꠛꠣꠄ ꠀꠝꠤ ꠇꠤꠔꠣ ꠝꠣꠄꠀ-ꠝꠝꠔꠣ ꠇꠞꠔꠣꠝ ꠘꠣ ꠘꠤ?” ꠈꠔꠝ॥