Popular Bible Verses from ꠔꠃꠞꠣꠔ ১: ꠙꠄꠖꠣ ꠘꠣꠝꠣ 9

Deildu

ꠀꠟ꠆ꠟꠣꠄ ꠀꠞꠅ ꠇꠁꠟꠣ, “ꠎꠦ ꠎꠛꠣꠘ ꠀꠝꠤ ꠔꠥꠝꠞꠣꠞꠦ ꠀꠞ ꠔꠥꠝꠞꠣꠞ ꠟꠉꠞ ꠎꠣꠘꠖꠣꠞ ꠅꠇꠟꠞꠦ ꠖꠤꠟꠣꠝ, ꠁꠇꠐꠣ ꠇꠤꠀꠝꠔ ꠙꠞ꠆ꠎꠘ꠆ꠔ ꠛꠅꠀꠁꠟ ꠞꠁꠛ। ꠀꠞ ꠝꠦꠊꠞ ꠇꠣꠟꠘꠤꠞ ꠝꠣꠎꠦ ꠀꠝꠣꠞ ꠞꠋꠗꠦꠘꠥ ꠖꠤꠟꠣꠝ, ꠁꠇꠐꠣ ꠅꠁꠟ ꠖꠥꠘꠤꠀꠁꠔ ꠀꠝꠣꠞ ꠎꠛꠣꠘꠞ ꠘꠤꠡꠣꠘꠣ।

ꠇꠣꠟꠘꠤꠞ ꠝꠣꠎꠦ ꠎꠦꠛꠟꠣ ꠢꠤ ꠞꠋꠗꠦꠘꠥ ꠖꠦꠈꠣ ꠎꠣꠁꠛ ꠅꠃ ꠡꠝꠄ ꠀꠝꠤ ꠖꠥꠘꠤꠀꠁꠞ ꠢꠇꠟ ꠎꠣꠘꠖꠣꠞꠞ ꠟꠉꠦ ꠀꠝꠣꠞ ꠁ ꠢꠣꠝꠦꠡꠣꠇꠥꠞ ꠎꠛꠣꠘꠞ ꠇꠕꠣ ꠁꠀꠖ ꠇꠞꠝꠥ।”

ꠝꠣꠘꠡꠞ ꠟꠃ ꠎꠦ ꠛꠣꠞ ꠇꠞꠦ, ꠝꠣꠘꠡꠦꠅ ꠔꠣꠞ ꠟꠃ ꠛꠣꠞ ꠇꠞꠛ, ꠇꠣꠞꠘ ꠀꠟ꠆ꠟꠣꠄ ꠝꠣꠘꠡꠞꠦ ꠘꠤꠎꠞ ꠍꠥꠞꠔꠦ ꠛꠣꠘꠣꠁꠍꠂꠘ।

ꠀꠟ꠆ꠟꠣꠄ ꠘꠥꠢ ꠀꠞ ꠔꠣꠘ ꠙꠥꠀꠂꠘ꠆ꠔꠞꠦ ꠛꠞꠇꠔ ꠖꠤꠀ ꠇꠁꠟꠣ, “ꠔꠥꠝꠤꠔꠣꠁꠘ ꠚꠟꠀꠟꠣ ꠅꠁꠀ ꠛꠣꠠꠤꠀ ꠖꠥꠘꠤꠀꠁ ꠜꠞꠤ ꠎꠣꠅ।

ꠎꠦꠟꠣ ꠔꠥꠝꠞꠣꠞꠦ ꠈꠦꠔꠞ ꠚꠟ-ꠚꠡꠟ ꠀꠞ ꠔꠞꠤ-ꠔꠞꠇꠣꠞꠤ ꠖꠤꠍꠟꠣꠝ, ꠅꠃꠟꠣ ꠅꠈꠘ ꠎꠤꠔꠣ ꠎꠣꠘꠖꠣꠞ ꠢꠇꠟꠞꠦꠅ ꠔꠥꠝꠞꠣꠞ ꠈꠣꠘꠤꠞ ꠟꠣꠉꠤ ꠖꠤꠟꠣꠝ।

ꠖꠥꠘꠤꠀꠁꠞ ꠎꠣꠘꠥꠀꠞ, ꠀꠍꠝꠣꠘꠞ ꠙꠣꠈꠤ, ꠝꠣꠐꠤꠞ ꠝꠣꠎꠦ ꠛꠥꠇꠦ ꠌꠟꠞꠣ ꠎꠣꠘꠖꠣꠞ ꠀꠞ ꠖꠞꠤꠀꠞ ꠝꠣꠍ, ꠢꠇꠟꠦꠃ ꠔꠥꠝꠞꠣꠞꠦ ꠒꠞ-ꠜꠄ ꠇꠞꠤ ꠌꠟꠛ। ꠁꠔꠣꠞꠦ ꠔꠥꠝꠞꠣꠞ ꠀꠔꠅ ꠖꠦꠅꠀ ꠅꠁꠟ।

ꠔꠥꠝꠤꠔꠣꠁꠘ ꠛꠦꠡ ꠇꠞꠤ ꠚꠟꠀꠟꠣ ꠅꠁꠀ ꠛꠣꠠꠅ ꠀꠞ ꠖꠥꠘꠤꠀꠁꠔ ꠍꠤꠔ꠆ꠞꠤꠀ ꠎꠣꠅ।”