Popular Bible Verses from SILBAWLTE 1

Deildu

Hizongleh, na tungva Hagau Siangthou ahung tun chiangin silbawltheihna na nei diing uh; huchi'n Jerusalem khua ah zong, Judia gam leh Samaria gam zousiah ah zong, huleh, kawlmong tanphain zong ka thu heetpihtute na hi diing uh, a chi a.

Huleh, Ama’n’ a kawmvah, Pa in a hun leh a ni Amah thuthu a um diing a, a guat, nangun na heet diing uh ahi sih hi.

Amah uh toh kipawl jel in, “Jerusalem khua nuse sih unla, hizongleh Pa silchiam Ka soi na jah uh chu na ngaah un,” chi’n thu A pia hi. Ajiahchu John in tui in a baptis ngeia; hizongleh nangun chu ni sawtlou sungin Hagau Siangthou in baptisma na tang diing uh, a chi a.

Hu sawllehte kawmah gentheihna A thuaah nungin heetchi ana zuaulou tamtah in hing in A kiensah a, ni sawmli zet a kawmvah A kilaah a, Pathian lalgam thu A soi zing hi.

Huleh, hi thute a soi zohin, a muh tangpi vah vaan a puitouh in a um a; meiin a muh phah louh vah a puimang touta hi.

Huleh a paitouh laia, amahun vaan lam a et zing laiun, ngai in, mi nih puanvaam silh in a kawmvah ahung ding va; Hute’n chu, Nanguh Galili gam a mite, bang diinga vaan lam en zing a diing na hi viai? Hi Jesu, na kawm vapata vaan a puitouh a um hi, vaan a, a chiah na muh mahbangun, Amah ngei a hung kiit diing hi, a chi uhi.