Vinsæl biblíuvers úr THESSALONIKATE II 2

Deildu

Koima’n bangmahin hung heem sih heh; ajiahchu puuhsaanna tah ahung tun masat a, sualna mipa, mangthai tapa ngei ahung kilat phot louhleh hu ni chu hung tung lou diing ahi

Hizongleh unau, Lalpa deihtahte, Hagau suhsiangthouna leh thutah gintaatna jala hutdama um diing a, a tuung a kipat Pathian in nanguh ahung teel jiahin keiuh chu na tung thu vah Pathian kawmah kipaahthu soi zing diing mawng ka hi uhi.

Ama’n chu Pathian chih a um zousiah leh, a kibia zousiah dou a, a tungva um tum in a kisuloupi diing a; Pathian biahinn a tou in, Pathian in a kibawl diing hi.

Tuin i Lalpa uh Jesu Khrist ngei leh, Pathian, i Pa uh ngei, eite hung lungsiat a, hehpihna jala kumtuang hamuanna leh kinepna hoih hung pepa’n, Na lungtang uh suhamuang in, thusoi leh natoh hoih chintengah hung sukipta hen.

Huleh hikhu jiahin zuauthu a gintaatna diingun Pathian in dihlouhna natoh haattah a kawmvah a sawl diing hi

Hu amahpa hungna chu Setan natoh dungjui a silbawltheihnate, chiamchihnate, silmah zuautheite, Huleh mangthaite diingin dihtatlouhna heemna zousiah toh ahi diing hi; hutdama a um theihna diing va thutah ngaihnatna a pom louh jiahun.

Ajiahchu bohsiatna thuguuh in a tong panta hi; a daaltu lampi apat laahmang ahih masiah in a daal zing diing hi.