Popular Bible Verses from Avalumi 8

Deildu

Tukulukagula ulwa, mwa mbefili, Nguluvi aipiga kipigo na ukukwisa pamwinga na mbevali avamwenda, kwe kutigila vala ve avakemelye, ndawe lweeadonyite.

Ngulukagula hilo ulwa kisukuli chekihwana ukutugava hwehwe uluhuma muwende wakwe: nave ifwa nave wumi; nave vanyivaha nave uludali lwa kuchanya; nambi isiwoneka lino, nave sesasiwoneka pambele, nave uwutema, nave ing'i iya kuchanya, nave iya pasi hilo. Kugaya kinu ikigave chekihwana ukutugava na uwende wa Nguluvi ukukola mwa Kilisito Yesu Umutwa vetu.

Lwindahihyo, nave Umuhe akututanga mu wuhomefu wetu. Pakuva situluseli ulutuvaje ukwifunya, neke Umuhe yumwene akutusukila kwa Nguluvi kwa wuhuguvafu we umunu sahwana ukolelela.

Uluhuma kwa ifi mbefili, tutigile ndawuli kangi? Wone Nguluvi ali lubali lwetu, nani yeahwana ukutubesa?.

Sweno, kugaya kuhigwa kwa vala ve mumikalile jawo vave kinu kimwi na Kilisito.

Amahosa ga umuvili giletaga ifwa, neke amahosa ga Umuhe giletaga uwumi na uwikalakunoga.

Neke, mwa mbesili iso, twiva tusuumite pakomi kwa uwutanzi wumwene yeatwenda.

Nambi nguluwona uluteseko ulu lwalino ukuva si kinu na ludodo, wone tuteganise na yila indolo yesayiwoneka pa hwehwe.

Ye nani ino yeatugava hwehwe uluhuma muwende wa Kilisito? Ngali uwubane nave uwutalamu, nave uluteseko nave inzala nave uwumikaa nambi ukufuulika, nave inalamu na ukuwulagwa?

Nave Nguluvi yeailava mugati munumbula sa avanu, akugakagula amahosa ga uyo Umuhe wegiwali; pakuva Umuhe akuvasukila avanu va Nguluvi uwimila mweayiwendela.

Vala mbevali avavisogoswa na Umuhe va Nguluvi ve vana va Nguluvi.

Pakuva vala vevakwikala muwudobokesi wa imivili, iwo vatemitwe na amahosa ga umuvili. Neke vala vevakwikala mumigendele ja Umuhe Umwelu, vavitemelwa na amahosa ga Umuhe.

Nguluvi samutanii; nambi umwanakwe yali iyena, pesi ukuta amutawe ukwimila hwehwe mbetuli. Wone apigite ulo, mbi satupela kangi uwunofu mbewuli?

Nave Umuhe yumwene ihanga ni numbula setu ukutolelela ulwa hwehwe twivana va Nguluvi. Sweno, pakuva hwehwe twivana va Nguluvi, satwanukila uwufunyilile mbewuli wa Nguluvi weavaviche avanu vakwe, na satuhanga ililila ilyo, pamwinga na Kilisito pakuva wone tuhange ineseko sakwe Kilisito, satuhanga kangi mundolo sakwe.

Pakuva yula yeatemilwe na amahosa ga umuvili uyo mutavangu va Nguluvi, siakwinatilagi indagilo sa Nguluvi na sahwana nambi ukusinatila.

Na ifigawa mbefili fisindila kwa kuguluma Nguluvi avavike pawelu avanakwe.

Pakuva tukulukagula mbaka lino ifigawa mbefili fivemba kwa uwuvafi ndawe yeakwivikula sambi egale.