Popular Bible Verses from Noo Luke 9

Deildu

As dooyrt eh roo ooilley, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal gagh laa, as geiyrt orrym.

Son quoi‐erbee baillish e vioys y hauail, caillee eh eh: agh quoi‐erbee chaillys e vioys er my ghraih’s, sauee eh shoh eh.

As dooyrt Yeesey rish, Dooinney erbee t’er chur e laue gys y cheeaght, as ta jeeaghyn back, t’eh an‐chooie son reeriaght Yee.

Son cre’n vondeish t’ec dooinney, my chosnys eh yn seihll ooilley, as eh hene dy ve caillit, ny ceaut ersooyl?

Son quoi‐erbee ghoys nearey jeem’s, as jeh my ghoan, jehsyn ghoys yn Mac dooinney nearrey tra hig eh ayns e ghloyr hene, as gloyr e Ayrey, as ny ainleyn casherick.

As dooyrt Yeesey rish, Ta tuill ec ny shynnee, as idd ec eeanlee yn aer, agh ec Mac yn dooinney cha vel boayl, ayn dy chur e chione fo.

As dooyrt eh roo, Quoi‐erbee nee soiaghey jeh’n lhiannoo shoh ayns m’ennym’s, t’eh jannoo soiaghey jeem’s: as quoi‐erbee nee soiaghey jeem’s, t’eh soiaghey jehsyn t’er my choyrt: son eshyn sloo ta nyn mast’ eu ooilley, eshyn syrjey vees.