Vinsæl biblíuvers úr Orɔm 4

Deildu

Ń yə̀ Yi nyì-bwelé y tə́tɔ̀ná ce rə̀myɛ́ gakó wẽ́ yé. Ń Yi-ni-zhú mú gaga kwɛrhɛ e súlí ń jàn n cèrhé re. Ń yà ń yě náàcɛ̀nɛ́ bə̀ Yi wɔ́ jàn cə́bal, rə̀ wɔ̌ rə̀ bʼa pyìrh rə̀ nyì-bwelé yə́.

Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə̀ Yi wòwə̀: “À ce ń jǐrh dwə́ nánzhəzhɔ̌ da.” Wɔ́ Abəraham gə́ zhí Yi ni mú è ce n jǐrh nə́ da. Wɔ́ Yi rə̀ nʼê pɛ nyǔ cùùrì nì, rə ce kɔn dɛ̀bɛ́ rə̀ yʼà tɛ̀nɛ́ yə̀ nɛ́.

Wɔ́ nə́myɛ̌ dwə́ə́ré yil bə̀ zɔ Yezu bə pə bə gu, sə Yi bwìrhì mù rə bʼe ce nə́ kʼé bə dwə́ə́re zhe yé.

Abəraham zhí Yi ni, n shɛ̀nɛ́ n dɛ̃̀ kɔn dɛ̀bɛ́ ń yà ń kə́ ń yə̀l rə̀ nyí ni mú. Rə̀myɛ́ ce, ń jǐrh dwə́ nánzhəzhɔ̌ da. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Ǹ bʼâ lù byâ nánzhəzhɔ̌.”

Wɔ́ rə̀myɛ́ è ce, Yi bwəl rə̀ nyí rí byɛ̀bɛ́ bə̀ zhí ri mú ni. Sə rə̀myɛ́ wɔ́ pɛnɛ́ Yi pɔ bɛ, mùnì rə̀ nyì-bwelé y zə kùr Abəraham nɛ̀mɛ́ nɛ́ gakó yilə. È də̀ byɛ̀bɛ́ Yi pɔ bɛ rə̀ nyə́ né mó dúdú yil yé. Wɔ́ ǹdə́ byɛ̀bɛ́ bə̀ zhí ri ǹdə Abəraham ta mɔ́ ga yilə. Abəraham wɔ́ nə́ gakó da.

Dəvyidi wòwə̀: “Wu-nyɔ̃̀ cìnə́ wɔ́ lyì byɛ̀bɛ́ Yi pɔ bɛ bə̀ dwə́ə́ré sǔbri, rə vùr bə̀ yə̀-bəlwàálɛ́. Wu-nyɔ̃̀ cí wɔ́ lò mɔ̀bɔ́ Cinu yə̀ ń dwə́ə́ré yó bwə̀rh.”

Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Abəraham zɔ Yi zhə̀nà. Rə zɛ̃̀ rə nyǐ mu ǹdə ń bə dóó zhe ta, ń gə́ zhí ri mú yilə.”