Vinsæl biblíuvers úr Orɔm 10

Deildu

Ǹ gə púr ǹ nyí ǹ byili bə̀ Yezu wɔ́ Cinu, ǹ gə zwẽ nyí ǹ wu w wẽ́ bə̀ Yi bwìrhì mu, ǹ bʼâ nə vwârh.

Zhə̀nà, numbyíní gə zhí Yi ni è wẽ́, rə̀ nʼê ce è kʼê bə dóó zhe yé. È gə púr è nyí è byili bə̀ Yezu wɔ́ Cinu, Yi nʼê vwârh ya.

Lwarna bə̀ wɔ́ Kristə zɔ̀mɛ̀ rɛ́ bwə̂l e byili mú lò ya n cili, n zɛ̃̀ n zhí Yi ni rə̀myɛ́ jàn yilə.

Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ǹ zhí Yi ni, cìzhìl tʼâ la mɔ́ jú gaga yé.” Rə̀myɛ́ ce, Zhwifubá ǹdə́ byɛ̀bɛ́ bə̀ də̀ Zhwifubá ga jǐrh kɔn rə̀dù. Wɔ́ Cinu mú ńmyɛ̌ mə̀dù y ń cǐ bə̀ gakó, ń nə́ ń pɛ ń nə̀cɛ̀ndɛ́ byɛ̀bɛ́ bə̀ nʼê lwə̀l mò mó ne. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ jàà dõ wẽ́ bə wɔ̀: “Lò mɔ̀bɔ́ gakó ǹ lwə̀l Cinu sãɔ̃, ń mà n vwârh mɔ́.”

Sə bə̀ gə yə̀ lò twĩ̀ ń yò bwə̂l e byili yilə, wɔ́ etər ò bʼa tó né o bwə̀l? Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Ǹ gə nɔ byɛ̀bɛ́ bə̀ nʼê bwə̀l yò-ècɔ̀nɔ̀ nyí rí mú bə̀ nʼê zhə̀l bə̀ bànà, ǹ já ǹ só.”

Sə lò nə gə yə̀ Cinu zwì, wɔ́ etər ǹ bʼâ tó né ń lwə̀l ń sãɔ̃? Bə̀ gə yə̀ ń yò zɔ̀m ǹdə́ mɔ́, wɔ́ etər ǹ bʼâ tó né ń zù mù? Sə bə̀ gə yə̀ ń yò bwə̀l bə byili, wɔ́ etər lò mà n tó né n nyɛ̀ɛ̀ ń yò wə́?

Wɔ́ Kristə dɛnnɛ Muyiisi nyə́ né tó né nə pyìrh, mùnì lò mɔ̀bɔ́ gakó ǹ zhí Kristə ne, sə Yi ce ǹ bə̀ká kə́ zə dóó yé.