Vinsæl biblíuvers úr Orɔm 1

Deildu

À tʼâ dùr cìzhìl ǹdə́ yò-ècɔ̀nɔ̀ nyí rí bwə̂l yé, bə̀ rə̀ wɔ́ Yi jàn rə̀ mʼê vwârh lò mɔ̀bɔ́ gakó ǹ zhí Yi ni, e ji kùr ǹdə́ Zhwifubá e mʼe yí byɛ̀bɛ́ bə̀ də̀ Zhwifubá mó.

Yò-ècɔ̀nɔ̀ nyí rí nʼê byili bə̀ lò gə zhí Yi ni, rə̀ nʼê vùr ǹ dwə́ə́ré, bə̀ kɔn gakó wɔ́ ǹdə́ Yi-ni-zhú mú jàn. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Lò mɔ̀bɔ́ ǹ zhí Yi ni, ǹ kə́ ǹ bə dóó zhe yé. Ǹ bʼâ zə nyǔ.”

Rə̀ jàn dɛ́ rə̀ bə swɛ̃´ zhe mó ǹdə́ rə̀ gə́ wɔ́ nɛ́ mɔ́ yʼà shèè, sə lũ w kùr-ju yi ní ga, lyì bí wɔ̌ bə tó wẽ̀ dé tɛ̀bɛ́ rə̀ wɛ̀rhɛ́ mɔ́ dɛnnɛ bə nə tɛ̀bɛ́ rə̀ yʼà shèè mó ǹdə́ bə̀ surhə. Rə̀myɛ́ ce, lò ǹ gə zɛ̃̀ ǹ wò bə̀ ǹ bə rə̀myɛ́ nɛ, wɔ́ ǹmyɛ́ yò.

Lyì bí yě Yi párá, sə ǹdə́ rə̀myɛ́ ga, bə̀ tʼâ cèrhé re, bə̀ jʼà tʼâ ce rə̀ nə̀bán ǹdə bə̀ gə́ yʼà mə̂ sə bə wɛ̀rhɛ́ nɛ́ yé. Bə̀ surhə né gə́ yə̀ pul, kɔn dɛ́ dɛ̀bɛ́ bə̀ nʼê bùl bə̀ wẽ́ mó myɛ jʼà bə kùr zhe mó ce, bə̀ ŋwɛ́nɛ́ cə-byṹ wẽ́.

Bə̀ kwè zhə̀n dɛ́ bə mʼe lyə́r kɔma, bə̀ kʼâ nʼê wùlì tɛ̃´ bə̀ cèrhé wẽ̀ tɛ̀bɛ́ Yi wɛ̀rhɛ́ mɔ́, bə yẽ̌ rə̀ Wârhna mɔ́ cìcì mú ni. E jà wɔ́ ńmyɛ̌ ń mə̂ dwã ǹdə́ còrhó byinə nə̀ bə zhɔ̌ zhe yilə! Amɛ̀n!

Yi zhǐ Arəzana w rə̀ lyim nʼê yì lyì bí yə̀-bəlwàálɛ́ ǹdə́ lwɛlɛ tɛ̀bɛ́ gakó bə̀ nʼê wɛ̀rhɛ́ mɔ́, ǹdə́ bə̀ tùntùm-bəywààlɛ́ rə̀ nʼê cə̀r zhə̀n dɛ́ yé ne mó yilə.

Wɔ́ rə̀myɛ́ è ce, Yi yẽ̌ be bə̀ cìzhìl tùntwə̃̀ə̃̀ né shilə né wẽ́. Bə̀ kana bɛ́ yẽ̌ bə̀ gə́ yʼà mə̂ sə bə pyẽ̀ né ǹdə́ bə̀ byə́nə́ bé mó ne, bə̀ kʼâ nʼê zə dwã bə̀ pyẽ̀. Numbyíní jʼà bə mə̂ sʼe wɛ̀rhɛ́ èta yé. Bə̀ bala bɛ́ myɛ yẽ̌ kana bɛ́ nɛ, kʼâ wɔ́ bə̀ dwã bala bɛ́ shil rə̀ zù bì, bə̀ nʼê zə dwã bə̀ pyẽ̀. Bə̀ nʼê twĩ̀ tùm-bəywààlɛ̀ ǹdə́ dwã, e jà numbyíní bə mə̂ sʼe wɛ̀rhɛ́ èta yé. Sə bə̀ cìcì tùm-bəywààlɛ́ ce bə̀ nʼê nɛ còrhò-tum. Bə̀ gə́ yə̀ shɛ̀nɛ́ bə tó Yi ni mú ce, Yi yẽ̌ be bə tó bə̀ surhə né námbəjə́ə́lé kùrə̀, bə̀ nʼê wɛ̀rhɛ́ kɔn dɛ̀bɛ́ bə̀ bə mə̂ sə bə wɛ̀rhɛ́.

Bə̀ zhe bə̀ bə̀myɛ́ lɔ́wá, bə jʼà yə̀ lɛ́ yé. Bə̀ tʼâ cèrhé Yi rí tɛ̀bɛ́ rə̀ də̀ cu kɔn gaga mɔ́ ǹdə bə̀ gə́ yʼà mə̂ sə bə cèrhé re né yé. Bə̀ kʼâ nʼê wɛ̀rhɛ́ wẽ̀ rə̀ nyɛrhɛ numbyíní y è tʼâ mɛ̃ nɛ́ mɔ́, bə̀ wɛ̀rhɛ́ wẽ̀ rə̀ nyɛrhɛ kúmsi myɛ, rə̀ tɛ̀ nyɛrhɛ nə̀rh sə̀na wẽ̀, rə̀ tɛ̀ nyɛrhɛ dɔma, bə̀ nʼê cèrhé.