Popular Bible Verses from Məco 5

Deildu

Bə̀ tʼâ ji pàntɛ́mɛ́ myǐn, bə kʼa kwè y bə pú nə̀bwɛ́nɛ́ kùr w yé. Bə̀ gə ju yə, bə̀ yʼa cĩ́ y pàntɛ́mɛ́ jàà wà, mùnì ga lyì bí byɛ̀bɛ́ bə̀ ŋwɛ́nɛ́ jù w mú gakó yírhə́ nə nɛ́. Èta, ámyɛ pwẽ̀ dé mə̂ sə rə yə̂r lyì bí yírhə́ wə, bə nə cɛ̀nɛ̀ tɛ̀bɛ́ á nʼá wɛ̀rhɛ́ mɔ́, mùnì ga bə cèrhé á Da mɔ́ ń ŋwɛ́nɛ́ Arəzana w mɔ́.”

“Ámyɛ̌ wɔ́ ǹdə kɔn dɛ̀bɛ́ rə̀ nʼê pɛ pwẽ̀ ta lũ w wẽ́. Cɔ kɔ̀bɔ́ bə̀ lù pyɔ̀ yó, kaka wàr w rə̀ la círhú yé.

Wu-nyɔ̃̀ cìnə́ wɔ́ lyì byɛ̀bɛ́ bə̀ wɔ́ wu-põ cìnə́, bə̀ bə̀ mʼa nə Yi ǹdə́ bə̀ yírhə́.

Wu-nyɔ̃̀ cìnə́ wɔ́ lyì byɛ̀bɛ́ Yi pùbùlə̀ né wɔ̀rhɔ́ nɔrh ǹdə́ mə̀ nə̀nyɛ̀lsɛ̀ zhe, bə̀ Yi mʼa ce bə sú.

Sə àmyɛ́ nʼâ wə̀l ába: swénénə á zwə̀ bé. Lwə̂lnə Yi byɛ̀bɛ́ bə̀ nʼê nwɛ̀nɛ̀ ába mɔ́ yilə.

“Wu-nyɔ̃̀ cìnə́ wɔ́ lyì byɛ̀bɛ́ bə̀ wɔ́ nə̀mwà bə̀ wun ní wẽ́, bə̀ Arəzana tənà y wɔ́ bə̀myɛ́ bə̀ cǐ yə.

Wu-nyɔ̃̀ cìnə́ wɔ́ lyì byɛ̀bɛ́ bə̀ nʼê pyà bə̀ yə̀-zùlə́ yál nɛ́, bə̀ Yi mʼa byẽ̀ bè bə̀ rə̀ byâ.

Wu-nyɔ̃̀ cìnə́ wɔ́ lyì byɛ̀bɛ́ wu-zhìlù zhe, bə̀ Yi mʼa shíshéré bə̀ wun ni.

Wu-nyɔ̃̀ cìnə́ wɔ́ lyì byɛ̀bɛ́ lyì bí nʼê nwɛ̀nɛ̀ bɛ̀, bə̀ gə́ nʼê wɛ̀rhɛ́ Yi pùbùlə̀ né mó yilə, bə̀ Arəzana tənà y wɔ́ bə̀myɛ́ bə̀ cǐ yə.

Wu-nyɔ̃̀ cìnə́ wɔ́ lyì byɛ̀bɛ́ bə̀ nʼê dùr bə̀ dwã bɛ́ nɔ̀nɔ̀, bə̀ Yi mʼa dùr bə̀myɛ nɔ̀nɔ̀.

“Lyì bí gə nʼê tùrh ába, bə̀ nʼê nwɛ̀nɛ̀ ába, bə̀ nʼê gòm kɔma bə̀ cĩ́ ywẽ̀ nánzhəzhɔ̌ á yó wə, àmyɛ́ kùr tó yilə, sʼá lwar bʼâ wɔ́ wu-nyɔ̃̀ cìnə́. Fǔnə ǹdə́ wu-nyɔ̃̀ nánfɔ̀lɔ̀, bə̀ kwândɛ nánfɔ̀lɔ̀ zhǐ Arəzana w á yilə. Wɔ́ èta bə̀ jɛ̀rɛ̀ bə nwɛ̀nɛ̀ Yi nyì-zwennə bé ne, bə zɛ̃̀ bə mʼe yí ámyɛ.”

Wu-nyɔ̃̀ cìnə́ wɔ́ lyì byɛ̀bɛ́ bə̀ wɔ́ lyì-nyɛ̀mà, bə̀ Yi mʼa pə bɛ cɛ y rə̀ yʼà bwəl be è nyí mú.

Yezu zɛ̃̀ n súlí n wɔ̀ ń kwã-lyì bí ni: “Ámyɛ̌ wɔ́ ǹdə nə̀kwə̃̌ ta lũ w wẽ́. Sə nə̀kwə̃̌ gə tárh, etər è bʼa tó né e kʼe zə nyí? È kʼê bə tum zhe yé. Bə̀ mʼa dwĩ̀ y pwẽ̀ nè, lyì nɔ̀ y ǹdə́ bə̀ nə̀rh.

Ámyɛ̌ yálna náàcɛ̀nà námpúm, ǹdə á Da mɔ́ ń ŋwɛ́nɛ́ Arəzana w mɔ́ gə́ wɔ́ náàcɛ̀nɛ́ námpúm ní.”

Á gə mə̂ sʼá wɔ̀ bə̀ ‘ɔ̃̀ɔ̃̂’, sʼe yə̀ ‘ɔ̃̀ɔ̃̂’. Á gə mə̂ sʼá wɔ̀ bə̀ ‘ɔ̃́ʼɔ̃’, sʼe yə̀ ‘ɔ̃́ʼɔ̃’. Á gə súlí kɔn dõ né, wɔ́ lwɛlɛ cə́bal mɔ́ sõ rə̀myɛ́ shí ní.

“Á nyɛ̀ɛ̀ bə̀ bə̀ yʼà wòwə̀: ‘Wɔ́ yírh bə̀ yʼa jàrh bə mʼe cĩ́ yírh jim. Wɔ́ yélé bə̀ yʼa wǔr bə mʼe cĩ́ yélé jim.’ Sə àmyɛ́ nʼâ wə̀l ába: lò gə wɛ̀rhɛ́ mɔ́ lwɛlɛ, sə bə̀ká càrh mɔ̀ lwɛlɛ yé. Lò gə mà mɔ́ jə̀-sâ ǹ jə̀jĩ́ pə̀pá y nɛ, sə́ pyìrhí è dõ mó ń pɔ̃.

Ǹ jə̀jĩ́ yírh gə nʼê ce ǹ wɛ̀rhɛ́ lwɛlɛ, sə́ jàrh rɛ̀ ń dwĩ̀ kwã nɛ́. Ǹ yala nɛ́ kə̀kàlà èdù gə tɛ̀nɛ́ cɔ̃̀ bə̀ gə co ǹ yala nɛ́ gakó myǐn-jù wə̀. Ǹ jə̀jĩ́ y gə nʼê ce ǹ wɛ̀rhɛ́ lwɛlɛ, sə́ gõ y ń dwĩ̀ kwã nɛ́. Ǹ yala nɛ́ kə̀kàlà èdù gə tɛ̀nɛ́ cɔ̃̀ ǹ yala nɛ́ gakó gə zhə̀l myǐn-jù wə̀.