Popular Bible Verses from ມາຣະໂກ 11

Deildu

ດ້ວຍເຫດນັ້ນ ເຮົາ​ບອກ​ເຈົ້າ​ທັງຫລາຍ​ວ່າ, ສິ່ງໃດ​ທີ່​ພວກເຈົ້າ​ພາວັນນາ​ອະທິຖານ​ຂໍ​ນັ້ນ ຈົ່ງ​ເຊື່ອ​ວ່າ​ໄດ້​ຮັບ​ແລ້ວ ແລະ​ຄົງ​ຈະ​ເປັນ​ແກ່​ເຈົ້າ​ທັງຫລາຍ.

ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຜູ້ໃດ​ກໍຕາມ​ທີ່​ສັ່ງ​ພູ​ໜ່ວຍ​ນີ້​ວ່າ, ‘ຈົ່ງ​ເຄື່ອນຍ້າຍ​ໄປ​ຕົກລົງ​ສູ່​ທະເລ’ ແລະ​ບໍ່ມີ​ຄວາມ​ສົງໄສ​ໃນ​ໃຈ ແຕ່​ເຊື່ອ​ວ່າ​ຈະ​ເປັນ​ໄປ​ຕາມ​ຄຳສັ່ງ​ນັ້ນ ແລ້ວ​ກໍ​ເປັນ​ໄປ​ຕາມ​ນັ້ນ.

ແລະ​ເມື່ອ​ເຈົ້າ​ຢືນ​ພາວັນນາ​ອະທິຖານ​ຢູ່ ຖ້າ​ເຈົ້າ​ມີ​ເລື່ອງ​ກັບ​ຜູ້ໃດ​ຜູ້ໜຶ່ງ​ຈົ່ງ​ຍົກໂທດ​ໃຫ້​ເຂົາ ເພື່ອ​ພຣະບິດາເຈົ້າ​ຂອງ​ພວກເຈົ້າ ຜູ້​ສະຖິດ​ຢູ່​ໃນ​ສະຫວັນ ຈະ​ຍົກ​ຄວາມ​ຜິດບາບ​ຂອງ​ພວກເຈົ້າ​ດ້ວຍ, [

ພຣະເຢຊູເຈົ້າ​ໄດ້​ກ່າວ​ແກ່​ພວກ​ສາວົກ​ວ່າ, “ຈົ່ງ​ມີ​ຄວາມເຊື່ອ​ໃນ​ພຣະເຈົ້າ.

ແລ້ວ​ພຣະອົງ​ກໍໄດ້​ສັ່ງສອນ​ພວກເຂົາ​ວ່າ, “ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, ‘ພຣະວິຫານ​ຂອງເຮົາ​ຈະ​ເອີ້ນ​ວ່າ ເປັນ​ສະຖານທີ່​ພາວັນນາ​ອະທິຖານ​ສຳລັບ​ຄົນ​ທຸກ​ຊາດ’, ແຕ່​ພວກເຈົ້າ​ເຮັດ​ໃຫ້​ເປັນ​ຖໍ້າ​ຂອງ​ໂຈນ.”

ຄົນ​ທີ່​ຍ່າງ​ໄປ​ກ່ອນ​ກັບ​ຄົນ​ທີ່​ຕາມ​ຫລັງ​ພຣະເຢຊູເຈົ້າ​ໄປ ຕ່າງ​ກໍ​ຮ້ອງ​ຂຶ້ນ​ວ່າ, “ໂຮຊັນນາ ຂໍ​ພຣະເຈົ້າ​ອວຍພອນ​ທ່ານ ທີ່​ສະເດັດ​ມາ​ໃນ​ນາມ​ຂອງ​ອົງພຣະ​ຜູ້​ເປັນເຈົ້າ

ຂໍ​ພຣະເຈົ້າ​ອວຍພອນ​ອານາຈັກ​ທີ່​ກຳລັງ​ຈະ​ມາ ຄື​ອານາຈັກ​ຂອງ​ດາວິດ​ບັນພະບຸລຸດ​ຂອງ​ພວກເຮົາ ໂຮຊັນນາ​ໃນ​ສະຫວັນ​ສູງສຸດ.”