Popular Bible Verses from رٛمَعٜنْ 8

Deildu

عٜنْ عَنْدِ، اَللَّه طٛنْ حُووْتِنِرَ کُوجٜ ڢُو نغَمْ حَيْرُ يِطْࢡٜ مٛ، عٜوْنَاࢡٜ ڢٛدّٜ مُويٛ مُوطُمْ؞

نغَمْ مِعَنْدِ ڢَکَتْ، وَلَا کٛ سٜنْدَتَ عٜنْ بٜى يِيدٜ مَاکٛ، کٛو مَايْدٜ، کٛو نغٜىٰندَمْ، کٛو مَلَاعِکَعٜنْ، کٛو بَاوْطٜىٰجِ غٛطِّ، کٛو جٛنْتَاجُمْ، کٛو غَرَنْطُمْ، کٛو بَاوْطٜ ندٜرْ عَسَمَ مَلَّ ندٜرْ جَحَنَّمَ مَلَّ کٛو طُمٜ؞ يِيدٜ اَللَّه لَاتَنِ عٜنْ بٜى عِيسَى اَلْمَسِيحُ، جَوْمِرَاوٛ مٜنْ؞ نغَمْ مَاجُمْ وَلَا کٛو طُمٜ ندٜرْ دُنِيَارُ ڢُو حٜࢡَتَ سٜنْدُغٛ عٜنْ بٜى يِيدٜ اَللَّه؞

نٛنْ بٛو رُوحُ اَللَّه طٛنْ وَلَّ عٜنْ، نغَمْ عٜنْ تَمْݠُࢡٜ؞ عٜنْ عَنْدَا کٛو تٛرَاغٛ اَللَّه بَنَ نٛ حَانِ؞ عَمَّا رُوحُ بٜى حٛورٜ مُمْ طٛنْ تٛرَنٛ عٜنْ بٜى تٛرْندٜ ندٜ نَنَتَاکٜ؞

جٛنْتَ کَمْ، کٛ لُتِّ وِعٜىٰغٛ دٛوْ بٛلّٜ طٜعٜ؟ ندٜ اَللَّه طٛنْ وٛنْدِ بٜى مٜىٰطٜنْ، مٛيْ وَاوَتَ حٛنُغٛ عٜنْ؟

نغَمْ مَاجُمْ وَلَا کِيتَ دٛوْ نُطِّنْࢡٜ عِيسَى اَلْمَسِيحُ جٛنْتَ؞

تٛکَّاغٛ سُونٛوجِ مُمْ يَحْرَنْ حَا مَايْدٜ، عَمَّا تٛکَّاغٛ رُوحُ اَللَّه يَحْرَنْ حَا نغٜىٰندَمْ عٜ جَمْ؞

عَمَّا ندٜرْ کُوجٜ طٜعٜ ڢُو عٜنْ کٜࢡَنْ جَالٛرْغَلْ تِمُّنغَلْ بٜى بَلَّلْ اَلْمَسِيحُ، غِطّٛ عٜنْ؞

مِنُمِ حَالَ تٛرَّاجِ مٜنْ ندٜرْ زَمَنُورُ جٛنْتَارُ؞ ڢَکَتْ، طِ ݠٛتَايْ ڢٛونْدٜىٰغٛ بٜى تٜدُّنغَلْ غَرَنْنغَلْ نغَلْ اَللَّه وَنغِنَنْتَ عٜنْ؞

تٛ نٛنْ کَمْ، مٛيْ وَاوَتَ سٜنْدُغٛ عٜنْ بٜى يِيدٜ اَلْمَسِيحُ؟ بٛنٜ نَ، ࢡِلَّارٜ نَ، تٛوࢩَارٜ نَ، وٜىٰلٛ نَ، تَلَکَاکُ نَ، جٛوتٜ نَ مَلَّ کَاڢَحِ؟

اَللَّه لِࢩٛووٛ ࢡٜرْطٜ طٛنْ ڢَامَ کٛ رُوحُ طَࢡَّتَ؞ نغَمْ رُوحُ طٛنْ تٛرَنٛ يِمْࢡٜ اَللَّه سٜنَاࢡٜ ڢٛدّٜ کٛ اَللَّه يِطِ؞

نغَمْ طٛوَاࢡٜ رُوحُ اَللَّه ڢُو نغٛنِ ࢡِࢡّٜ اَللَّه؞

تٛ غٛطّٛ طٛنْ تٛکّٛ سُونٛوجِ مُمْ، سُونٛوجِ مَنْ لَامَنْتٛ حَکِّيلٛ مُوطُمْ؞ عَمَّا تٛ رُوحُ اَللَّه طٛنْ جٛوطِ ندٜرْ مَاکٛ، ندٜنْ کَمْ رُوحُ مَنْ لَامَنْتٛ حَکِّيلٛ مَاکٛ؞

عٛجٛغِتَاکِ کٛو ࢡِطّٛ مَاکٛ، عَمَّا عٛعَشِّمٛ عٛمَايِ مبَتُّدِ مٜىٰطٜنْ عٜنْ ڢُو؞ تٛ نٛنْ کَمْ، عٛسَاحَتَا عٜنْ کٛو طُمٜ ڢُو بٜى مَاکٛ نَ؟

رُوحُ اَللَّه بٜى حٛورٜ مُمْ طٛنْ سٜىٰدَنٛ رُوحُوجِ مٜنْ‏: عٜنْ ࢡِࢡّٜ اَللَّه ڢَکَتْ؞ تٛ نِي عٜنْ ࢡِࢡّٜ مَاکٛ، ندٜنْ کَمْ عٜنْ کٜࢡَنْ بٛو کٛ عٛسِغَنِ ࢡِࢡّٜ مَاکٛ، عٜنْ کٜࢡْدَنْ طُمْ بٜى اَلْمَسِيحُ؞ تٛ عٜنْ نجَࢡِ غٜطَلْ تٛرَّاجِ اَلْمَسِيحُ، عٜنْ کٜࢡَنْ غٜطَلْ تٜدُّنغَلْ مَاکٛ بٛو؞

تٛکِّيطٛ سُونٛوجِ مُمْ عٛ کٛنّٜىٰجٛ اَللَّه، نغَمْ حَکِّيلٛ مَاکٛ طٛوْتَنْتَاکٛ عُمْرٛورٜ اَللَّه نغَمْ نغٛ وَاوَتَا؞

تَغٜڢٛ ڢُو طٛنْ يٜنْوَ مَسِنْ حَا اَللَّه وَنغِنَ ࢡِࢡّٜ مُمْ بٜى تٜدُّنغَلْ؞

عٜنْ عَنْدِ حَا جٛنْتَ دُنِيَارُ ڢُو طٛنْ عُومَ، طٛنْ ندٜرْ لُووٜ بَنَ ࢡٜسْنَنْطٛ؞