Popular Bible Verses from ڢِلِݠِّعٜنْ 4

Deildu

تَا شَکْلَنٜ کٛو طُمٜ، عَمَّا عَنْدِنٜ اَللَّه حَاجٜ مٛنْ ڢُو ندٜرْ دٛعَ عٜ تٛرْندٜ، بٜى يٜتّٛورٜ بٛو؞

ندٜنْ کَمْ سَلَامَنْ اَللَّه ࢡُرْکَ ڢَامُ نٜطّٛ ڢُو، عَيْنَنْ ࢡٜرْطٜ مٛنْ عٜ نُمٛوجِ مٛنْ ندٜرْ کَوْتَلْ بٜى عِيسَى اَلْمَسِيحُ؞

دٜىٰرْطَمْعٜنْ، ندَا کٛ لُتِّ وِعٜىٰغٛ‏: کٛ غٛونغْطِ ڢُو، کٛ حَانْدِ سَمْطِنٜىٰغٛ ڢُو، کٛ لَاتِ عَدِلِيجُمْ ڢُو، کٛ لَاࢡِ ڢُو، کٛ حٜعِ يِطٜىٰغٛ ڢُو، کٛ حٜعِ تٜدِّنٜىٰغٛ ڢُو، کٛ ڢٛتِّ ڢُو عٜ کٛ حٜعِ مَنغْتٜىٰغٛ ڢُو، کَکِّلَنٜ طُمْ؞

مِوَاوِ وَطُغٛ طُعُمْ ڢُو، نغَمْ اَلْمَسِيحُ طٛنْ سٜمْبِطِنَمِّ؞

شٜيٜ ڢٛرٛيْ نغَمْ دَلِيلَ جَوْمِرَاوٛ؞ مِوِعَنْ طُمْ ڢَحِنْ‏: شٜيٜ‏!

اَللَّه عَمْ حُمْتَنَنْ عٛنْ حَاجٜىٰجِ مٛنْ ڢُو ڢٛدّٜ رِسْکُ مُوطُمْ، ندٜرْ تٜدُّنغَلْ، بٜى عِيسَى اَلْمَسِيحُ؞

مبَطٜ کٛ عٛنْ عٜکِّتِ، کٛ عٛنْ کٜࢡِ، کٛ عٛنْ نَنِ عٜ کٛ عٛنْ نغِعِ حَا عَمْ؞ ندٜنْ کَمْ، اَللَّه دٛکّٛووٛ سَلَامَنْ وٛنْدَنْ بٜى مٛوطٛنْ؞

سٜيْ مُࢩَلْ مٛنْ وَنغَنَ يِمْࢡٜ ڢُو؞ جَوْمِرَاوٛ ࢡَدَکٜ وَرْغٛ؞

مِعَنْدِ جٛوطَاغٛ ندٜرْ لٜىٰسْتِنَارٜ بَنَ نٛ مِعَنْدِرِ جٛوطَاغٛ ندٜرْ طُوطٜىٰنغَ؞ مِعٜکِّتِ حٜࢨْنِتَاغٛ کٛو تٛيْ عٜ کٛو نٛيْ، کٛو مِطٛنْ ندٜرْ حَارَنْدٜ مَلَّ وٜىٰلٛ، کٛو ندٜرْ طُوطٜىٰنغَ مَلَّ سٛويْندٜ؞

مِوِعَايْ طُمْ نغَمْ دَلِيلَ سٛويْندٜ نغَمْ مِعٜکِّتِ حٜࢨْنِتَاغٛ بٜى کٛ کٜࢡْمِ ڢُو؞