Popular Bible Verses from يُحَنَّ 17

Deildu

وٛلْدٜ مَاطَ وٛنِ غٛونغَ؞ سٜنُ ࢡٜ بٜى غٛونغَ مَنْ؞

ندَا کٛ وٛنِ نغٜىٰندَمْ ندُومِيطَمْ‏: ࢡٜعَنْدَ عَنْ وٛنِ اَللَّه غٛوتٛ، غٛونغَاجٛ، ࢡٜعَنْدَ بٛو عِيسَى اَلْمَسِيحُ، نٜلَاطٛ مَ؞

«مِطٛنْ تٛرٛ مَ نَا نغَمْ مَࢡّٜ تَنْ، عَمَّا مِطٛنْ تٛرٛ مَ بٛو نغَمْ نُطِّنَنْࢡٜ يَمْ دَلِيلَ وَازُ مَࢡّٜ ڢُو، نغَمْ حَا ࢡٜ ڢُو ࢡٜلَاتٛ غٛوتُمْ؞ بَنَ عَنْ، بَابِرَاوٛ، عَطٛنْ ندٜرْ کَوْتَلْ بٜى عَمْ، مِنْ بٛو مِطٛنْ ندٜرْ کَوْتَلْ بٜى مَاطَ؞ کَمْࢡٜ بٛو ࢡٜنغٛنَ ندٜرْ کَوْتَلْ بٜى مٜىٰطٜنْ، نغَمْ حَا دُنِيَارُ نُطِّنَ عَنْ نٜلِ يَمْ؞

مِتٛرَتَاکٛ مَ نغَمْ عَوُرْتِنَ ࢡٜ دُنِيَارُ، عَمَّا عَڢَدَّ ࢡٜ دِغَ کَلُّطٛ؞

مِحٛکِّ ࢡٜ تٜدُّنغَلْ نغَلْ عَحٛکِّ يَمْ، نغَمْ حَا ࢡٜلَاتٛ غٛوتُمْ، بَنَ عَنْ بٜى عَمْ عٜنْ لَاتِ غٛوتُمْ؞ مِنْ مِطٛنْ ندٜرْ کَوْتَلْ بٜى مَࢡّٜ، عَنْ بٛو عَطٛنْ ندٜرْ کَوْتَلْ بٜى عَمْ، نغَمْ حَا ࢡٜلَاتٛ غٛوتُمْ ڢَکَتْ، نغَمْ حَا دُنِيَارُ عَنْدَ عَنْ نٜلِ يَمْ، عَيِطِ ࢡٜ بَنَ عَيِطِرِ يَمْ؞