Popular Bible Verses from 2 کٛرِنْتُعٜنْ 4

Deildu

مِنِنْ، مِنْ شُکْلَنْتَاکٛ کُوجٜ غِعٜتٜىٰطٜ، عَمَّا طٜ نغِعَتَاکٜ؞ نغَمْ کُوجٜ غِعٜتٜىٰطٜ ندُورَتَا، عَمَّا کُوجٜ طٜ نغِعَتَاکٜ، ندُومٛتٛ؞

نغَمْ دَلِيلَ مَنْ مِنْ تَمْݠَتَا سَمْ؞ کٛو تٛ ࢡَلِّ عَمِنْ طٛنْ تَمْݠَ، ࢡٜرْطٜ عَمِنْ طٛنْ کٜسْطِتَ ࢩَلْطٜ ڢُو؞ ڢَکَتْ، ࢡِلَّاجٜ عَمِنْ جٛنْتَاجٜ، طٜ کٛيْطٜ طٜ ندُورَتَا بٛو؞ طٜ طٛنْ تَاسْکَنٛ مِنْ تٜدُّنغَلْ دُومِينغَلْ کَايٜىٰڢِيوَلْ، تٜدُّنغَلْ نغَعَلْ مَوْنِ ࢡُرِ ࢡِلَّاجٜ عَمِنْ ݠِوْ؞

مِنْ ࢡِلِّيࢡٜ غَلْ وُتُّدُ ندُيٜ ڢُو، عَمَّا مِنْ نَتِّدِنَاکَ؞ مِنْ سَکْلِيࢡٜ طُوطُّمْ، عَمَّا مِنْ عِتَّايْ تَمُّندٜ؞ مِنْ تٛوࢩَاࢡٜ، عَمَّا اَللَّه وُدِنَايْ مِنْ؞ مِنْ دٛعَّاࢡٜ حَا لٜسْدِ، عَمَّا مِنْ کَلْکَايْ؞

مِنْ نغٛودِ تٜدُّنغَلْ نغَعَلْ ندٜرْ عَمِنْ، بَنَ ندٜسَارِ ندٜرْ ݠَيَنْطٜ لٛوݠٜ، نغَمْ حَا کٛو مٛيْ ڢَامَ بَاوْطٜ کَايٜىٰڢِيجٜ طٜعٜ عِوِ حَا اَللَّه، نَا حَا عَمِنْ؞

ࢡٜنُطِّنْتَا، نغَمْ سَيْطَانُ، طٛوَنْتٜىٰطٛ دُنِيَارُ ندُعُ وُمْنِ حَکِّيلٛوجِ مَࢡّٜ؞ عٛحَطِ ࢡٜيِعُغٛ جَيْنغٛلْ لِنْجِيلَ بَنغِنَنْنغٛلْ تٜدُّنغَلْ اَلْمَسِيحُ، مٛ لَاتِ جَاتِ اَللَّه؞

نغَمْ اَللَّه مٛ وِعْنٛ‏: «سٜيْ أَلنّٛورَ يَيْنَ ندٜرْ ࢩِࢡْرٜ»، عَشِّ أَلنّٛورَ مُمْ يَيْنَ ندٜرْ ࢡٜرْطٜ عَمِنْ بٛو، نغَمْ حَا مِنْ عَنْدَ تٜدُّنغَلْ مَاکٛ جَيْنَنْنغَلْ دٛوْ يٜىٰسٛ اَلْمَسِيحُ؞