Popular Bible Verses from Matius Uram 24

Deildu

Tonda, ninyi ilinto ara yu kanya bobdandoka malyi dinyi tabakoka kibdeibdankwaming deyok aryi, sunci boukwe weik tuba kum kibdankwaming. Ninyi ilinto ato kubkwaming bok, unanyi-unaner ara, ‘Dib tenena kum taklobkwan,’ tenen katabdongobmangnyi ura, a nang ara lemna dinyi dobdobkwaming.

Ura, Teleb Uram ara, ‘Er Imtamnyi biryi weik sienyi kuboka ninyi ilinto Er amwetam kibdeibkwande,’ en uram ara im dangna tukwe dangna mutuk nirya bobindoka lak eterebkwaming. Ara, ‘Sun im dangna tukwe dangna mutuk nang nirya aryi dib en uram kekeboka bikting,’ tenen Teleb Uram eterebkwaming. Sirya bobindoka eterebingnyi ura, sirya kobdob uki tum berekwande,” ebmou.

Sirya kobdob uki tum kum berekde bok, sunci kekebmun ba, ‘Akatei nang okatei nang ara mar ordanmang,’ en uram kekebkwandum. Tonda, sunci kekebmun ba, ‘Yuk atei-yuk atei ababyi mar obdankwaming,’ en uram kekebkwandum. Ato en uram ilinto kekebmun bok, sun kanya kankana kusina mem. Sirya kobdob uki tum kum berekde bok, atoto dinyi nirya ara bisik sekman kum kuboka kunubkwande.

Ton mutuk nang ara yuk mutuk nang asi mar bobdankwaming deyok aryi ato ebmasin. Tonda, ton weik sienyi bisi milin nang ara yuk weik sienyi bisi milin nang mar bobdankwaming. Ba, im dangna tukwe dangna mutuk dantam-dantam nirya ara kwaning atana li dobde bok, mutuk eimna ababyi mitik kum dobkwande. A kunubkwande dinyi nirya ara deyok kouboka mambul kurdeirin dinyi kubkwande bok, aminda kunubkwande dinyi ara tabakdongoboka mambul kurdeirin dinyi kubkwande. Ara, mi deibkwamar ner asi mi deyok aryi u weik yirande to, sunbabyi mambul weik kubkwansir.

A dinyi nirya ara diboka kunubkwande ati ebman. Im ab tukwe ab ara kum dankwande bok, Ni en uram ara iya ton kum dakbisibkwande.” Er Yesus biryi ato eboka eterebmou.

Sirya kobdob uki tum kum berekde bok, ninyi ilinto ara sun dam yandoka tola ati, ‘Nira Er Imtamnyi biryi bokwetebkwamwe ninyi lebdeiboka Weik Sienyi a kunum yanman,’ ebingiryok, ninyi mitik kum boboka walwalabsinibkwaming.

Sirya kobdob uki tum kum berekde bok, ninyi aryi sunda Nisi miliranurum nang ati, ‘Obtibyi,’ tenen domkirikwansing. Tonda, diba obkwansing. Ati, sunda Ni miliranurum nang kurandum deyok aryi, im dangna tukwe dangna mutuk nang nirya aryi sunti bimsa yaribkwansing. A talak ara ninyi ilinto aryi Nisi dib teneraningnyi ani, Nisi dokdonokoka taklobkwaning. Ninyi ilinto aryi bimsa yaribdandoka, ‘Ninyi aryi obting,’ tenen sun mamun ninyi taruk dam dobkarebdankwaming. Tonda, a talak ara sirya kobdob uki tum kum berekde ba, tola uram en nang ilinto ara yandoka ninyi ilinto asi boboka walwalabsinibkwaming.

Uca, Er Yesus biryi sunsi ato ebmou, “Sunci sirya kobdob dinyi dibde buramuncok, ‘Ninyi tentok ababyi nunsi boboka walwalabsinibsingnyei,’ tenen diboka kalikdandobkwandarur!

Ati, Ni Ninyi Dasinyi tamuryuryankwan ara sun kum bikmamunyi tum aryi yankwan deyok aryi, sunci kalikoka kiknibdeiboka bunkwandarur.” Ato eboka Er Yesus biryi Er miliramnyi nang asi eterebmou.

Ati, Nira sun Arungdeirisununyi bira lukdandoka tamuryankwan ba, sunci, ‘A uki tum tamuryankwan,’ tenen kum bingnandum deyok aryi, sunda Nisi miliranurum ara diboka kalikdandobkwandarur.

Er Yesus biryi eterenmou cok, ato ebmou, “Ura, Nira Er Imtamnyi bokdonoknounyi tamuryankwan ara una uki tum tamuryankwan ati ninyi tentok ababyi ton kum bingnung. Tonda, sun Er Imtamnyi Uram eryuryangan nang ababyi a talak asi kum bingnung. Tonda, Nira Er Imtamnyi Mi ababyi, ‘Ato-ato uki tum tamuryankwan,’ tenen kum bingnun. Eda, Ni Nai Imtamnyi tentok asi a uki tum minob bingdur.

A talak ara tola ati, ‘Nira Kristus ninyi lemna weik sienyi kunun,’ eboka erdana nang yankwaming ati ato ebman. Tonda, tola uram bobindoka eteren nang yuk nang ababyi yankwaming. A nang ara, ‘Ninyi dib tenebsiting,’ tenen ilil tenen dinyi ab yuk nang aryi kiknibman kum dinyi ab kiknibkwaming. Ati, sunci, ‘Er Imtamnyi biryi wianci nang ababyi boboka walwalabsinibtibyi,’ tenen kunubde binkwaming. Ato tenen kunubde binkwaming bok, Er Imtamnyi biryi Er wibdeibmou nang asi kalikde uca, walwalabsinibman kum kubkwaming.

Ni Ninyi Dasinyi kum tamuryankwan bok, ninyi ara mangkau kuboka, ‘Sirya kobdob uki tum dam kubmar,’ tenen kum kubkwaming ati ato ebman. Ara, Ni tamuryankwaman talak ara minob talak nun abwe Nuh minob kuramwe talak ato kubkwande. Nuh kuramwe talak ara ilila me oboka kum yibmou ba, sun a talak kuramnyi nang ara, ‘Ilila me oboka siklibkwansir,’ tenen kum bingnamiryok, sunci kwaning yiboka me yiboka ner kabdeibdandoka akwe kuramnyi deyok aryi Niryi, ‘Nuh kuramwe talak ato kunkwande,’ ebmasin. Ani, Nuh mabwe silib ara weik co ngun-ngun umbura wengdorbinmai ura, ilila me oboka ninyi nirya siklibmou ba, isin daksekmai. Ara, a nang ara a kunubkwamwe dinyi ati mangkau kuramnyi ba, ilila me oboka sunsi lukdandoka siklibmou ba, isin daksekmai. Ura, Ni Ninyi Dasinyi tamuryuryankwan tum ababyi neiktoto kubkwande. Ninyi aryi, ‘Ukuryok yankwamar,’ tenen kum bikwaning bok, Ni lukdandoka tamuryankwan.