Vinsæl biblíuvers úr Romanos 6

Deildu

Ti nkehe tsjacha ti tsjasini ijie̱ la ti itsꞌeni nkochríxín. A̱ndá ti nkehe tsi̱to̱nhe̱ni tsjajon Díos mé ti kjuachón nkochríxín kixin tinkáchónkini Ìnchéni Cristo Jesús.

Kixin ti ijie̱ la í chóntahya kjuachaxin tsꞌe̱tua̱hanra, kixin í jehya ti ley tꞌe̱to̱an ijie, náhí. Díos tjue̱he ti jahara la jína tjejora ijie.

*Kixin ti kuikiteni la éxi xravákoni Cristo la ko kꞌuénkoni chꞌan, a̱ndá ijie la ó xechóni kixin Cristo la xechónxin chꞌan ti kjuachaxin ijié chónta ti Itꞌé chꞌan méxra̱ chrókꞌuájini ti nti̱a ni̱xin.

Tjájonhñara ti cuerpo kuèntára kixin chrókꞌóna nkehe chrókjuásixínra ijie̱. Ícha jína chróchje̱héra Díos a̱sánra éxi ijnko chojni tsíkꞌen, ó xechón ínaá. Chje̱héra Díos ti cuerpo kuèntára kixin tsjikosáyexínra chꞌan la ko si̱chꞌera ti ixra̱ jína.

Ó noheni kixin ti nduáhya kuékꞌejóni la táha ti kꞌuénxin Cristo, kjuákꞌenkáni chꞌan ntacruz kixin ndá jína chrókꞌuitjáñaxín kaín ti ijie̱ kꞌuéchóntani kixin ijie la í sinchexiteyéhyani ti ijie̱.

A̱ndá jahara kja̱xin chrókjuénka̱yáxinra kixin ó kjuixin ikꞌuénra, la í xitjahya tsjásinra ijie̱, kixin ó xechónra la tjejoko̱ara Díos kixin tinkachónkira Jesucristo, ti Ìnchéni.

A̱ndá ijie, ¿nkehe tsixroni? ¿Á na̱xa̱ chrókjuasini ijie̱ kixin Díos la a̱ntsí chrókjua̱ko̱xi̱n kixin ti̱konoéhe̱ ti jeheni ní? Náhí. Jeheni la ó kjuixin ikꞌuéni la ó kuíto̱heni ti ijie̱. ¿A̱ndá nkekuènté na̱xa̱ chrókjuasini ijie̱ ínaá?

Jahara ó nohara jína kixin ti sichꞌeheni ixra̱ ijnko lamo la tsitekakoheni chꞌan, la ti xi̱kaha, la ticháxi̱n sinchexiteyéheni ti lamo kuènténi. Mé xi̱kaha tso̱hen ti na̱xa̱ sinchexiteyéheni ti ijie̱, la ti ijie̱ mé tꞌóna éxi lamoéni la tíha mé tsꞌenxíni. A̱ndá ti tsitekaoni Díos la jína tsꞌejóni.

Ndá ijie la kjuasáye Díos, kixin kui̱konoáha̱ra chꞌan, kjónté na̱xa̱ kꞌuékjásinra ijie̱, la ti ijie̱ mé kꞌue̱tua̱hanra, a̱ndá ijie kaín a̱sánra kuitekáonra ti nkehe xráko̱hara. La ó kui̱to̱héra ti kꞌuékji̱nchexiteyéhéra ti ijie̱. Ndá ijie la ó kꞌónara chojni chꞌehe ixra̱ Ìnchéni.