Vinsæl biblíuvers úr Romanos 11

*Kixin kaín nkehe la ti̱xi̱n ti itjen Díos la kaín nkehe la kjuíchꞌéna chꞌan kixin sichꞌehe ixra̱ ti jehe chꞌan. Méxra̱ tsochjéheni kjuasáya Díos nkochríxín. Mé xi̱kaha tso̱hen.

*Méxra̱ ti kjuachaxin kuènté Díos la imá ijié la ko imá nohe chꞌan. Ninkexró tsjachahya tsochronka nkexrín tjenka̱yáxin chꞌan la ko ninkexró tsjachahya tsienxín ti nti̱a kuènté chꞌan.

*Ndáchro ti xroon itén Díos: “¿Xá nkexro chrókónohe nkexrín tjenka̱yáxin Díos la ko xá nkexro chrókjua̱ko̱he̱ ti jehe chꞌan?

Kja̱xin ijie, na̱xa̱ kuíto̱he iso ti sin titekaon Díos, tsíkjeyá chꞌan sin kixin tsaá sin. Mé xi̱kaha Díos sinchekaá ti jehe sin kixin tjue̱he chꞌan sin, jehya ti ixra̱ kjuíchꞌe sin ndá chrókuaáxin sin. Kixin ti ixra̱ jína chrókjuíchꞌe sin ndá tíha chrókuaáxin sin, la ti xi̱kaha la jehya chaxín kui̱konoéhe̱ Díos ti jehe sin.

Ndá iso ti sin judío la éxi chaon ti inta olivo mé tsíchríjin, la jahara chojni jehya judío la éxi chaon ti inta olivo siín nte̱je̱, tséxin ti inta olivo jína. Mé xi̱kaha jahara kꞌónara chaon kuènté ti inta olivo jína xráxín tjechón. Méxra̱ chróndáchrohyara kixin jahara a̱ntsí jína ke ti chaon ti inta kjuákꞌe sa̱oxín. Ti xi̱kaha tjénka̱yáxinra la xráxinkaonra kixin jahara la jehó chaon ti inta, jahyara ti tjechónxin nuèé ti inta. Náhí. Ti nuèé ti inta mé tjechónxin ti chaon ti inta.