Vinsæl biblíuvers úr Proverbios 10

Ti ó Itꞌéni Díos sincheñao ijnko chojni la a̱ntsí jína tsꞌejó sin, kjánchó ti nkexro tóxakohen sichꞌe ixra̱ la ninkehó tsjachahya sin.

Ti chojni chji̱ñé nixjé la tjasin ijie̱; a̱ndá ti nkexro jína tjenka̱yáxin la chji̱ñéhña nixja.

*Ti kjuachji̱no̱xíhin la tji̱ka̱o ti tjajo̱n chojni; a̱ndá ti tso̱tjue̱heni kíchóni la tsꞌitjáña kaín ti ijie̱.

Ti nkexro chꞌehya ixra̱ la tso̱nóa, a̱ndá ti nkexro tóxakohen sichꞌe ixra̱ la tso̱rico.

Ti nkexro titekaon ti ó xrjenduehe la tsꞌaji ti nti̱a tjajon kjuachón. A̱ndá ti sin titekakonhña la tsjichròe sin.

Ti chojni jína ixri ti nti̱a ndoá la tsochrakonhña, a̱ndá ti chojni ixri ti nti̱a nduáhya la tso̱noxín ti ijie̱ chónta sin.

Ti sin tjikosáyehe Itꞌéni Díos la itsjé ña̱o tsꞌejó sin, kjánchó ti sin tjenka̱yáxin ti nkehe jínahña la séhya tsꞌejó sin.

Itꞌéni Díos la títo̱ehya tsꞌenxín kjinta ti nkexro ndoá itjen; kjánchó tsjajonhña chꞌan ti nkehe tjinkaon ti chojni jínahña.

Éxi chrókꞌuatsínka ijnko xri̱nto̱xejnki mé xi̱kaha chrókꞌuitjáña ti sin tjenka̱yáxin ti nkehe jínahña; a̱ndá ti sin tjenka̱yáxin jína la jína tsꞌejó sin nkochríxín.