Popular Bible Verses from Lukahtar 6

Deildu

Den thaj kam del pe tumengje. Lačhi mera, ćićidini, ćinome thaj lačhe pherdini kam del pe tumee an tumare brekha, angalja, kaj save vasoha den, gole vasoha kam iri pe tumee.

Lačho manuš andar e lačhi rig pire ilehko ikalel hasilipe, a o džungalo manuš andar e džungali rig pire ilehtar ćerel džungalipe, kaj lehko muj maj but del vorba egolehtar soha si pherdino lehko odji.

Trubun te volisaren tumare dušmanon thaj te ćeren lačhipe thaj te den udžilipe, a na te nadisajvon nisohće golendar save udžilinajvon, thaj kam avel tumengje baro poćinipe thaj kam aven e čhave e Maj Barederehćere, kaj vov si lačho vi e bilačhengje thaj e džungalengje.

Aven kovle odjehće sar vi tumaro dad kaj si kovle, putarde ilehko.

Thaj na khanikah te sudisaren thaj niči kam sudi pe ni tumengje. Na den nikah armaja thaj niči kam ni tumen del khonik r̄omaja. Muken e doša, o bangjipe thaj kam vi tumee mukel pe.

A akana mothovav tumee save ašunen ma: Čumiden tumare dušmanon thaj ćeren lačhipe vi golengje e jakhalengje save si h̄oljariki pe tumende. Blagoslovisaren golen save den tumen armaja, thaj molisajvon e Devlehće pala gola save dukhaven tumen.

Thaj sar kamen te ćeren tumengje e manuša, gadija ćeren vi tumen e manušengje.

Kana čalavela tu vareko pe jekh čham, tu sikav lehće vi e aver čham, e aver falka, a ko kamel te huljarel thaj te del mrtik tutar ći kavadji, de lehće vi ćo gad. De svakone manušehće savo khanči mangela tutar, a golehtar na mang palpale, savo lijah neso ćiro.

Kaj naj nijekh lačho kaš savo kam bijanel bilačhe, a nijekh bilačho kaš savo kam bijanel lačhe.

Kaj svako kaš pindžardol pe piro bijanipe: Niči ćidinajvon e smočine katar o karno, a e drakh katar e kalkalin, e r̄ugujra.