Popular Bible Verses from उतपत्ती 49

Deildu

राजदंड ह यहूदा करा ले नइं जावय, अऊ न ही सासन करइया के छड़ी ह ओकर बंस ले अलग होही, जब तक कि ओह नइं आ जाही, जेकर ये चीजमन अंय अऊ जाति-जाति के मनखेमन ओकर बस म नइं हो जाहीं।

“यूसुफ एक फलवंत अंगूर के नार सहीं ए, ओह एक झरना के लकठा म एक फलवंत अंगूर के नार सहीं ए, जेकर डालीमन भीथी ऊपर चघके बगर जाथें। धनुसधारीमन दुखी होके ओकर ऊपर हमला करिन; अऊ बईरता करके ओकर ऊपर तीर चलाईन।

पर ओकर धनुस इस्थिर रिहिस, याकूब के सक्तिसाली परमेसर के हांथ के कारन, ओ चरवाहा, इसरायल के चट्टान के कारन, ओकर बाहांमन फुरतिला होईन, काबरकि तोर ददा के परमेसर ह तोर मदद करथे, काबरकि सर्वसक्तिमान ह तोला आसीस देथे, ये आसीस ह अकास के ऊपर के अय, ये आसीस ह गहिरा झरना के खाल्हे के अय, अऊ ये आसीस ह छाती अऊ गरभ के आसीस अय।

“हे यहूदा, तोर भाईमन तोर परसंसा करहीं; तोर हांथ ह तोर बईरी के घेंच म होही; तोर ददा के बेटामन तोला दंडवत करहीं। हे यहूदा, तेंह सेर के पीला अस; हे मोर बेटा, तें सिकार करके लहुंटे हस। सेर के सहीं, ओह बरताव करके बईठ जाथे, सेरनी के सहीं—कोन ह ओला छेड़े के हिम्मत करथे।

“रूबेन, तें मोर पहिले जनमे बेटा अस, तें मोर सक्ति अऊ मोर ताकत के पहिली फर अस, तें आदर के लईक, अऊ ताकत म उत्तम अस। तें जो पानी के लहरा सहीं उफननेवाला अस, तें अब उत्तम नइं ठहिरबे, काबरकि तें अपन ददा के बिछौना ऊपर चघे, मोर खटिया ऊपर चघे अऊ ओला असुध करे।