Popular Bible Verses from KADADIAN 39

Deildu

Iatu Yusuf Narondong PUANG naurunganni maupa’ lan mintu’na sia torro mengkarang lah banuanna puangna, iamotu to Mesir.

Mintu’ tu naampuinna nasorong tama limanna Yusuf, naurunganni tae’mo na ia umpoissan lenni sangadinna ia mannamo tu kande nakande lu rokko. Iatu Yusuf melo pa’kaleanna sia melo tu pantarisanna.

Nasorongi pangulu pa’tarungkuan tama limanna Yusuf tu mintu’ to ditarungku, na iatu mintu’ apa la napogau’, naissanpi Yusuf.

Naalami puangna tu Yusuf napatamai pa’tarungkuan tu dinii duka untarungku taunna datu tu dirante bassinna. Indemito tu Yusuf lan pa’tarungkuan. Apa Narondong PUANG tu Yusuf, anNa pa’kamaseanni sia Napabu’tu lan penaanna pangulu pa’tarungkuan tu kamamasean lako Yusuf, naurunganni naporai.

Denmi pissan tonna mangkamo tu mintu’nate mailu matami lako Yusuf tu bainena puangna nama’kada nakua: Tasangampa’. Apa noka tu Yusuf anna ma’kada lako bainena puangna nakua: Iatu puangku tae’mo angku sola umpoissanni tu mintu’ apa lan banua, sangadinna iatu mintu’ apa naampui mangkamo nasorong tama limangku. Ia duka ia tu ia lan te banua tae’ anna mandu madoan na aku sia mintu’ barang apa tae’ napasalian lako kaleku sangadinna kamu manna, belanna bainenakomi; ma’apai angku la umpogau’i te kakadakean kapua sia kasalan langngan Puang Matua!

Denmi sangallo namale tu Yusuf tama banua la ungkarang pengkaranganna, na iatu mintu’ tau lan banua tae’ misa’ dioren nasolan. Nala’ka’imi baine iato tu bayu lamba’na nakuanni: Tasangampa’! Apa nalendokan Yusuf tu bayu lamba’na tu manda’ lan limanna baine iato, namallai sun.