Popular Bible Verses from Matayu 13

Deildu

Eso woune natne kepe gukinerop eyao kitoke, yemo ŋei ŋerep natne eŋe kisi maep don eya detpi paki, kine weteeneŋo detlukmami, paki malipkau weleine maine wakonmaike, natne eŋe wele woune loutne 100 qemaike, natne wele 60 qemaike, so natne wele 30 qemaike.”

Woune natne touk wakelerop eya wane koto ket kitoke, yemo ŋei ŋerep natne eŋe kisi maep don detmami, ŋo iwa kepeo gege eya wane dere mezet so wesi aboŋ suwaine ma gege, eya wane simileŋo kitoki, kisi maep don mo siuk-waremaike, paki eŋano wele mi wakonmaike.

Ŋei ŋerep qeli gege togon wane don dere more, kine mi detluk okanmami, eŋe yemo wit woune numao ket kitoke, yewa wane rokop. Kisi maep don wele kotoeno ket kitoki, Ŋei Borikineŋo sariki paki pukso, ariki eŋe yaup gemami.

Wit woune natne kepe wesi tabilainerop yewao ket kitoke, yemo ŋei ŋerep natne eŋe kisi maep don simileka detpi paki, eyaka ma nogan-kamami. Ŋo siluŋ qei kotoeno ketluke more, ŋodine mi ma qotkemaike, eŋe nasomde bamgoka ma gemami, eso kisi maep don wane ŋabaine sarimami, me don wele eya wane umat mane wakongi, yewao eŋe ikopka qeligeu siukmaike.

“Qeli gege togon wane don numaine eya, yemo qoli zali mane euwo motkekoi, pakiso ŋei maneŋo maratkaki paki, koso manerop motkeke. Eŋe zok wet pese dere more, ariki paki yeye kine kine mageke, eya korop ebonwareke pakiso, eyaŋo wesi kiyare mangi ma more, koso zinge ari eu eya qoleke. Pakiso eŋine biŋek okange.”

Ŋo woune natneŋo yemo kepe gukinerop eyao kitoke, wane suwa wa more wele qekoi, setne natne eyao woune 100 qekoi, setne natne eyao woune 60 qekoi, so setne natne eyao woune 30 qekoi.”

Qeligeu, wit so touk eŋe weneŋ orodoŋka suwa ware menaŋgeik, paki na baŋ loka lokak ŋei eya edanikale, ŋine mikepka touk korop eya lokakwareu paki, gerepko peikeu ket ezoyakane, mulapŋo wokom-onwarekei, Pakiso ŋado wit eŋine wele maine eya peike more ŋara urumno magukkei.’ ”