Popular Bible Verses from Proverbios 17

Deildu

In ñayiu ndeka tnaꞌa guaꞌa jin ni, chi siun ni kaꞌan vaꞌa ñai, te chituu ña ñayiu yun na kuinio in ñani ni nuu tnaꞌa ni tnundoꞌo.

Anu ja osii ini, chi in tatna guaꞌa kuu, su anu ja kusuchi ini, chi saꞌa ja yichi yiki kuñu.

Ñayiu jakaꞌnu ini jakueꞌe saꞌa inka ñayiu, chi ndukui ja vi koo vaꞌi jin ñayiu yun. Su ñayiu jatenuu jakueꞌe yun, chi saꞌa siin ñayiu ndeka tnaꞌa guaꞌa ka jin.

Ñayiu ndichi, chi jaꞌnu niꞌnui tnoꞌo kaꞌin, te ñayiu jinkuiꞌnu ini, chi jandee ni ini.

Te vi ndee ñayiu vasa ka kaꞌan ja ñayiu ndichi ka kui nuu jasi yuꞌi, te suni ka kaꞌan ja ñayiu jinkuiꞌnu ini kui nuu tu kaꞌin.

Guaꞌa ka kuu ja kao in xtaa yichi, su ka osii inio, masu ja kosaꞌo kuaꞌa viko nuu veꞌo, te koskiti tnaꞌo.

Ñayiu skejaꞌa tnoꞌo kiti ini kui na kuinio in ñayiu ja ni siaa ndute nuu ñuꞌu kuaꞌa ndevaꞌa de, te guaꞌa ka kuu ja kujioo ni ama ka ja kejaꞌa ja kiti ini.

Tee netniuu ja kaꞌan ja tu na kuechi tavi ñayiu kueꞌe yun, vi ñayiu kaꞌan kuechi siki ñayiu ndaa, ndi nduu ñayiu yaꞌa inuu ni skexiko ña Jitoꞌo.