Popular Bible Verses from Proverbios 15

Deildu

Nuu ndajioneꞌe in ñayiu tnoꞌo vii tnoꞌo vaꞌa, te jinkani ja kiti ini inka ñayiu. Su tnoꞌo xeen ja ndajioneꞌe in ñayiu skiti ini ka ña jin inka ñayiu.

Ja yuꞌu niꞌnuo Jitoꞌo kuu ja kutuaꞌo ja kuu ndichio, te ja saꞌa ndaꞌu saꞌa keo mao kuu ja niꞌo jayiñuꞌu.

Ñayiu kaꞌan tnoꞌo vii tnoꞌo vaꞌa kuu na kuinio in yutnu taa ja teku. Su ñayiu kaꞌan tnoꞌo kueꞌe, saꞌa ja kusuchi ini inka ñayiu.

Nuu tu na in xteku ña jin ñayiu, te skunai jin nagua ndakani ini ja saꞌi. Su nuu kuaꞌa ñayiu ka xteku ña, te kee guaꞌi jin ja saꞌi.

Ñayiu osii ini, chi luu ndii nui. Su nuu kusuchi ini ñayiu, te ndandaꞌu ni ndii nui.

Ndiꞌi ni nuu oo Jitoꞌo ndiaꞌa ya, ndiaꞌa ya ñayiu guaꞌa vi ñayiu kueꞌe.

Guaꞌa ka kuu ja joo ni konevaꞌo, te koyuꞌu niꞌnuo Jitoꞌo, masu ja konevaꞌa kuaꞌo, te kokusuchi inio.

Ñayiu kiti ini ndevaꞌa, chi ndukui ja vi kaxin tnaꞌi. Su ñayiu kuekuee kiti ini, chi jaꞌnu niꞌnu ñai ja ma vi kaxin tnaꞌa.

Ñayiu ndaa, chi ndakani guaꞌa ini na tnoꞌo kuu ja ndajioneꞌi. Su ñayiu kueꞌe, chi ñama kaꞌin tnoꞌo neꞌe tnoꞌo yichi.