Popular Bible Verses from Isaías 65

Deildu

Te vi ama ka ja vi kanai nuu rin, te vi ja kuñaꞌa rin nagua ka kuini, te vi ama ka ja ndiꞌi tnoꞌo ka kaꞌin, te ja konini rin nagua ka jikain.

Te kachi ia Dios: “Ja oo rin ja saꞌa rin in andivi jaa vi in ñuyiu jaa. Te vi ndunaa ini ñayiu ja ni oo ndee jaxtnañuꞌu, te tu na in kondakaꞌan saꞌun ka.

Te ma vi satniuu uin, ni ma vi koo seꞌi ja vi kotnaꞌa ndevaꞌa tnundoꞌo, chi mai vi seꞌi vi kokui in ndikin tata vii ndikin tata vaꞌa nuu maa rin ja kuu rin Jitoꞌo.

Te ma vi saꞌa kai veꞌe nuu vi koo inka ñayiu siin, ni ma vi xtei xtnuu kuii nuu kuun ja vi kaa inka ñayiu siin, chi nagua kuia ka teku xtnuu kuii yun, saa kuia vi koteku ñayiu ñuu rin. Te vi kaa maa ñayiu ni kaji rin nagua ni ka ndaxtei jin ndaꞌi.

Te ñuu yun, chi ma vi koo ka suchi kueli ja ndesaa ni kiuu ka tekui te ka jiꞌi, ni ñayiu nijaꞌnu ja tu ka jinoi kuiai, chi ñayiu jiꞌi nuu jinoi in ciento kuia, te kui na ni kuinio in ñayiu kuechi te ni jiꞌi. Su ñayiu ja tu jinoi in ciento kuia te jiꞌi, kuu na kuinio in ñayiu ni tau tniaꞌa.

Te in ni vi kuinee vaꞌu lobo jin lelu, vi kokaa ti. Te yiꞌi, chi kokaa ti ndayoꞌo na kuinio isndiki. Te ñuyaka ñuꞌu kokaa koo, te tu na in saꞌa jakueꞌe nii nuu yuku ii rin”, kachi Jitoꞌo.

Te kokusii ini rin jin Jerusalén, vi in ni koo rin jin ñayiu ñuu rin, te ni tu na in kondaꞌi ka, ni tu na in kokana ndaꞌu ka.