Popular Bible Verses from Isaías 54

Deildu

Te ni in ndatniuu ja ka keneꞌe ñayiu yun, ma kundee ja xnaa ña jin ron. Te vi skasi yuꞌu ron ndiꞌi ñayiu ja ka kaꞌan kuechi ja jaꞌa ron. Te yaꞌa kuu ja kuñaꞌa rin ja vi saꞌa jajin ñayiu ka jinokuechi nuu rin, ja chituu rin jin ja vi kundei nuu jakueꞌe”, jiñaꞌa Jitoꞌo.

Chi visi na vi ndasama yuku nuu ka oo, te na vi kanda tinduu, su ma sama ja kundaꞌu ini ña rin jin ron, ni ma naa tratu ni saꞌa rin ja vi koo mani ron”, kachi Jitoꞌo, ia kundaꞌu ini ña jin ron.

Te ma koyuꞌu ron, chi ma kendoo kueꞌe ron ni ma saꞌa ndaꞌu ron maa ron, chi ma kendoo kanoo ron, chi suaꞌa ndunaa ini ja kanoo ni tnaꞌa ron nuu kuechi ron, te ma kondakaꞌan ka ron ja ni ka oskexiko ña jin ron nuu ni ndondaꞌu ron.

Chi ia ni saꞌa ña jin ron kuu yii ron, te Jeovaa, ia ndakui ndevaꞌa, nani ya, te ia ni ndatau ña jin ron kuu ia ii ñayiu Israel, ja nani ya ia Dios ninii ñuyiu.

“Saꞌa kaꞌnu ka veꞌe saꞌun ron, te ndaskaa ka saꞌun veꞌe ron, te ma kochikuaꞌa ron nuu koo ron. Ndasaꞌa kani ka yoꞌo vi ndakani guaꞌa nduyu ja kotnii veꞌe ron.

Te maa rin kaxtnoꞌo nuu ndiꞌi seꞌe ron, te vi koo vii vi koo vaꞌi.

Chi jin ja ni kiti ini rin, te tu ni xtuu nuu ka rin ndesaa kiuu nuu oo ron, su ni kundaꞌu ini ña rin, chi kutoo ña rin jin ron nikuii nikani”, kachi Jitoꞌo, ia ni ndatau ña jin ron.

Te suni kachi ya: “Ni xndendoo ña rin ndee saa kiuu, su kundaꞌu ndevaꞌa ini ña rin, te ndakuaka ña rin jin ron.

“Chi inuu ni saꞌa rin vitna jin nagua ni saꞌa rin kiuu ja ni oo ndi Noé, nani kee yuꞌu rin ja ma ndaa ka ndute ja xnaa ka de ñuyiu. Suni saa ni kee yuꞌu rin vitna ja ma kokiti ini ka rin, ni ma kokuxeen ka rin nuu ron.

Te jin yuu kuakuaꞌa saꞌa rin torre ron, te yeꞌe ron saꞌa rin jin yuu yeyeꞌe, te ndiꞌi muro ron saꞌa rin jin yuu vii ndevaꞌa.