Popular Bible Verses from Isaías 44

Deildu

Chi skuun rin sau nuu ñuꞌu teꞌa, vi koo in yute nuu ñuꞌu yichi, te tetniuu rin Espíritu rin nuu ndikin tata ron, vi javii javaꞌa rin nuu seꞌe ron ja vi ndandixin nuu kuee ka.

Suaꞌa kaꞌan Jitoꞌo, ia ndakui ndevaꞌa, ia kuu rey ñayiu Israel, ia ni skaku niꞌnu ña: “Maa rin kuu ia oo ndee jaxtnañuꞌu vi ia oo sandiꞌi, te tu na inka dios oo saa ruꞌun.

Chi ni xnaa rin jakueꞌe ka saꞌa ron na kuinio in viko vi na kuinio viko noꞌo, saa ni xnaa rin yika kuechi ron. Te vi ndajiokuiin nuu maa rin, chi ni ndatau ña rin nuu jakueꞌe”, jiñaꞌa ya.

Te ma vi koyuꞌu ron ni ma vi koniꞌi ron, chi ja ni ndakani rin vi ja ni kaꞌan rin nagua kokuu ndee ja kunanaꞌa. Te maa ron ka kuu testiu rin, ja tu na inka dios, chi maintnoꞌo maa rin. Tu na inka jandakui ja tavaꞌa ña, tu jini rin ni in.”

Suaꞌa kaꞌan Jitoꞌo, ia ni saꞌa ña jin ron, ia ni saꞌa ña ndee chii siꞌi ron: “Ma koyuꞌu ron Jacob ja jinokuechi ron nuu rin, chi chituu ña maa rin jin ron, ja kuu ron ñayiu ndaa ja ni kaji rin.