Popular Bible Verses from Chivkeeb 24

Deildu

Nws txawm thov Vajtswv hais tias, “Tus TSWV uas yog kuv tus tswv Anplahas tus Vajtswv, thov Koj pab kom kuv tes haujlwm hnubno tiav mus rau qhov zoo, thiab ua rawsli tej lus uas Koj tau cogtseg rau kuv tus tswv lawm.

Kuv yuav hais rau cov hluasnkauj ntawd ib tug hais tias, ‘Thov txo koj lub hub dej thiab pub mentsis dej rau kuv haus.’ Yog nws teb tias, ‘Haus mas, kuv tseem yuav ntaus dej rau koj cov ntxhuav txhua tus haus thiab,’ ces thov kom tus ntawd yog tus uas Koj twb xaiv tseg cia rau Koj tus tubtxib Ixaj lawm. Yog qhov no tshwmsim, kuv thiaj yuav paub tias Koj ua rawsli Koj tau coglus tseg rau kuv tus tswv lawm tiag.”

Ces Ixaj thiaj coj Lenpekas mus rau hauv lub tsevntaub uas thaum ub Xalas uas yog nws niam txeev nyob los, thiab Lenpekas tau los ua Ixaj tus pojniam. Ixaj hlub Lenpekas heev, thiab Lenpekas kuj yog ib qho kev txhawbzog kawg li rau Ixaj vim nws niam tau tuag lawm.

Ces lawv txawm foom koobhmoov rau Lenpekas li no: “Tus muam, thov kom koj muaj tub muaj ki ntau txhiab ntau vam leej! Thov kom koj cov xeebntxwv txeeb tau lawv cov yeebncuab tej nroog!”

Kuv xav kom koj coglus rau kuv ntawm tus TSWV lub npe, uas yog Vajtswv tus kav lub ntuj thiab lub ntiajteb, hais tias koj yuav tsis xaiv cov ntxhais hauv tebchaws Kana-as no los rau kuv tus tub yuav ua pojniam. Koj yuavtsum rov mus rau hauv lub tebchaws uas kuv yug thiab mus yuav kuv cov kwvtij ib tug ntxhais los rau kuv tus tub Ixaj ua pojniam.”