Popular Bible Verses from Maliko 4

Deildu

Aho wabūūka ūgūhama ū nyaga; nī nyanza wīwīla, “Lembeelaga, ūhuumūle.” Na nghana gūlembeela ū nyaga, hūbiza sele-sele. Hūna ūbawīla, “Nibūlī ng'walī ng'ogohaga gīko? Mutaalī dūhū ū kūbiza na kūsanya?”

Bakogoha na kogohele kataale no, bandya kwiwīla boi bike balīhaya, “Ī gete ū munhū ng'wenūyū ni nani, wa kwigwiwa būyaga na miyaga na manyanza hose?”

Ū wei walī kū numa ya lyato alaalile tūlo, wisagūlaga ha nsago ū ntwe gokwe. Būmisha balīng'wīla, “Nangi, nibūlī ūtūdīlīlaga alīyo tūlīhaya kūshila?”

Ūbawīla hangī gīkī, “Ilanghanagi nayo īyo mukūdegelekaga, ī ngelekelo īyo mukūgelekelaga, h'īyo mukūgelekelwa na a bing'we, nīyo hangī mukongejiwa na kūtinda ho.

Hangī ū Yesu ūhaya, “Ū būtemi bo ng'wa Mulungu būbizile gītī munhū ūyo akabībaga mbīyū ha sī. Ūlū wila olaala, wela hangī omisha, alīyo atūdūla ū kūmana ūmo jikazwīlaga nū mumo jikakūlīlaga.

Ūlū munhū alī na matū gakigwaga ni igwage.”