Popular Bible Verses from Maliko 13

Deildu

Nīyo pye a banhū bakūmukolwa kūlwa nguno ya lina lyane; alīyo ūyo wiyūmīlīja kūshisha kū ngelelo akūpīla.”

Ali lūūlū, ilanghanagi ng'wikale nzūgūlū-matū, nguno mutalīmanile ī likanza līlī nanalī.

Ūlū bamudima kūmutwala, yaya ū kwandya kwiganika-ganika ūmo mulasomboolele, alīyo gose-gose ūyo ng'winhwa ū ng'wikanza lyenīlo gūhayagi. Nguno mutūbiza mukūhayaga bing'we; ū ng'wenūyo Moyo Ng'wela.

Ī ligūlū nī sī shikūbīta, alīyo ī mihayo yane ītīko kūjimīīla na hado yaya!”

“Kwike atīho ūyo alūmanile ū lūshikū lwenūlo, nī likanza; nūūlū a bamalaika ba ng'wigūlū batamanile, pyī nū Ng'wana, ūlū atī Baba wike.

Hama ūlū ng'wandya kwigwa mabūlūgū na nghūlū ja mabūlūgū, yaya ū kūfung'wa ngholó, nguno ī yenīyo shiigelile ībize ho; alīyo ī ngelelo īkūbiza ītaalī ū kūshika.

Hūna lūūlū ikalagi nzūgūlū-matū, nguno mutamanile aho alizīle ū ng'wenekīlī kaya. Adūgije kūdīla, hamo wiza būjikū ha gatī, hamo dilū mu mahīla ngoko, nūūlū hamo adūgije kwangūha. Langhanagi atiziza akang'wisanganīja mulaalile. Īyo nalīmuwīla bing'we hū nalībawīla pye a bose, ikalagi nzūgūlū-matū!”

Nguno būkūbiza ho wiyūbūkīji ha gatī y'ihanga n'ihanga, na būtemi kū būtemi. Jikūyūdinghima nyahīnga, na kwilonga nzala mu mapandī mingī. Ī yenīyī īlī gītī wandījo dūhū wa kūlung'wa būsūngū.”

Ī Nghūlū Jawiza shiigelile jilomeelwe tame hose pyī ū mu mahanga.

Nguno bingī bakūyiza mu lina lyane balīhaya gīkī, ‘Ū nene hū nalī ng'wene!’ Nīyo bakūhūbya banhū bingī no.

“Kwike a bing'we ilanghanagi, nguno bakūyūmutwala kū mabanza, hangī mukūyūtūlīlwa na mu masinagogi. Mukūbīta na kūshishiwa kū būtongi bo basugi na batemi kūlwa nguno yane, būbize ho būkaanīji kūbo.

Nguno bakwilonga bakilisto balomolomo, na bahangi balomolomo; nīyo bakūyoolecha maleeba na mihayo ya kūkamaaja, gīkī ūlū yūdūlīka, babahūmbūūle na a basolwa.

“Alīyo ū mu shikū jenījo ūlū būbīta ū būluhi wenūbo, ī līīmi līkwītīlwa giiti, nū ng'weji gūkoya ūkūfunya ū būpe wago. Nī sonda jikūyūmodoka kūfuma ū kwilunde, nū būdūla bo ng'wigūlū būkūtinginyiwa.