Popular Bible Verses from Maliko 10

Deildu

Nguno nū Ng'wana wa Munhū atizile kūtūmamīlwa, alīyo kūtūmama na kūfunya būpanga bokwe kūbiza shikomoolelo kūlwa nguno ya bingī.”

Ū Yesu ūbakalalīla, hūna ūbawīla gīkī, “Ū gwenūyū gūtadūlīkanile ū kū banhū, alīyo ū kūlī Mulungu ītī gīko, nguno ū kūlī Mulungu pyī ī yose īdūlīkanile.”

Hūna ū Yesu ūng'wīla, “Jaga, ū kūzunya kwako kwakūpījaga.” Na nghana haho na haho, ī likanza lyenīlo wandya kūbona, ūja nanghwe ū mu nzīla alīnondeela.

Kūlwa nguno yenīyo, abo badimanyiwe na Mulungu, atizigela munhū wa kūbalekanya.”

Ū Yesu ūnkalalīla mu būtogwa būtaale, hūna ūng'wīla gīkī, “Ūlīleba ho mhayo gūmò, jaga ūkashijinje ī shikolo īsho ūlī nasho ūbinhe bahabī, ūkūbiza na wibīkīja wa sabo ng'wigūlū, hūna wize ūnilondeele.”

Ū Yesu ūmūja alīhaya, “Ūtogilwe nakwītīle kī?” Nanghwe ū mboku ūnshokeja alīng'wīla, “Nangi, ka nabone!”

Ū kū bing'we ītigeleelilwe ībize gīko, alīyo būlī ng'wene ūyo atogilwe kūbiza ntaale ū mu bing'we, shing'wigeleelilwe abize ntūmami wing'we.

Nalīmuwīla gwa nghana gīkī, ose-ose ūyo atūwanukūla ū būtemi bo ng'wa Mulungu gītī ng'wana, atīko ū kwingīla mo na hado yaya.”

Alīyo balīho bingī abo balī kū būtongi, bakūbiza kū numa; na a babo balī kū numa, abo bakūbiza kū būtongi.”

Alīyo a ha wandījo wa kūseema, ū Mulungu akabaseema ngosha na nkīma. Nose hū kūhaya ū munhū akūneka ise na nina adimane na nke okwe. Ū mu būbīlī wabo bakūbiza mīlī gūmò, batī babīlī hangī, balī mīlī gūmò.