Popular Bible Verses from Shītwa 2

Deildu

Nanghwe ū Petelo ūbashokeja gīkī, “Galūkagi, na būlī ūmò wing'we abatīījiwe mu lina lya ng'wa Yesu Kilisto, mukūlekejiwa ī shibi shing'we, ng'wanukūle shakwinhwa; ng'wene Moyo Ng'wela.

Bakabiza bakomeezu no ū kwilanga īyo yalangagwa na batūng'wa; hamò na mu kūsangīla, na kūmega ngatī, nū mu kūlomba.

Pye a bose bokajiwa na Moyo Ng'wela, bandya kūyomba mu ndīmi jingī, gīt'ūmo Moyo akabinha kūyomba.

Bahayimanīla gwigela nfuutumo, gītī gwa nyaga ntaale gūlīfuma ng'wigūlū; gūyokaja pyī ī numba ūmo baalī bigasha. Jūbilongela ja kūbiza gītī ndīmi ja moto jigabanīkile, jūbikalīla būlī ng'wene. Pye a bose bokajiwa na Moyo Ng'wela, bandya kūyomba mu ndīmi jingī, gīt'ūmo Moyo akabinha kūyomba.

Būlī lūshikū bibilingaga ū mu hekalu na moyo gūmò; na bajaga bakūmegaga ngatī mu būlī kaya, nī shilīwa basangīlaga na moyo gwa būyegi na būmò, kūnū bakūnkumīlījaga Mulungu, na kūyegelwa na banhū bose. Ū Seeba ongejaga būlī lūshikū abo bapījiagwa.

‘Ū kū shikū ja kū mhelo, alīhaya Mulungu, nakūbitīīla Moyo wane pye a banhū; a bitūnja bing'we na a bashīke bing'we bakūyūhanga, nīyo a badinha bing'we bakūyūbona sha koolechiwa, na a banamhala bing'we bakūyūloota shilooti.

A bazunya baalī mu kikalīle ka būmò pye a bose, nī shikolo basangīlaga ī shose. Nī shikolo shabo būyūjinja bagabanha ī sabo, būlī ng'wene wapandīka ja kūngunaana kūlenganīla na makoye ayo alī nago.

Hanuma īkūbiza gīkī, būlī ng'wene ūyo ūlīlīlīīla lina lya ng'wa Seeba akūpījiwa.’

Ī līīmi līkūgalūchiwa kūbiza giiti, ū ng'weji nago gūkūbiza gwaza gītī mininga, aho lūtaalī kūshika ū lūshikū lo ng'wa Seeba, ū lūtaale na lw'ikūjo.