Popular Bible Verses from Matío 7

Deildu

“I ɓá' Tayɨɨ hȩn tée, wú̵ń pú̵ ví ú. I soo hȩn tée, víń nuŋŋɔ́. I vá' ya̧gníimí tée, wú̵ń tú̵'u̵d ví ú.

Moo kóó nɔ́nná a ɓá' Tayɨɨ hȩn tée, wú̵ń nuŋŋɔ́. Nán a soo hȩn tée, wú̵ń nuŋ á̧ḿ. Nán a vá' ya̧gníimí tée, vú̵ń tú̵'u̵du̵ ú̵ á̧ḿ.

“Moo woo nɔ, kóó nɔ́nná a ki moo míí yɛ vu̵, a duu vu̵ tée, man kan nán 'wɔ́lı̵́ tóó ka yo̧o̧ lig woo ya kpi'idí má nɔ.

Moo Múúsa woo ka pa, kan moo anábi voo máa wu̵ yɛ nɔ: Hȩn 'waapád kíí hí̧í̧ nán u̵u̵ kɔ́d bi máa, ví á̧ḿ, i kɔ́d vu̵ ı̵́ yo̧go̧ á̧ḿ.

A̧máa ya̧g dɔ́m ɓə́əné kan tə́ḿ təəlı̵́ máa vu̵u̵ laa ya vágádı̵́. Nán u̵u̵ nuŋ máa, vu̵ ɓu̵u̵ né.

“I dɔ́ ya̧g dɔ́m ɓə́əné yȩlȩ́, moo ya̧g dɔ́m neelȩ́ kan tə́ḿ gbo̧o̧ vu̵ laa dɨ ya vágád tinnílí. Nán u̵u̵ dɔ́ wu̵lı̵́ máa, vu̵ ɓu̵u̵ ú̵.

Ɨ́ víí, nán hȩn ɓı̵́d kɔ́lı̵́ vu̵, vín gaa waa víí vu̵ hȩn du̵u̵ pú̵lı̵́ gu̵y dan tóó Ba' víí ı̵́ ka dɨ be"ı̵́ má naa? Nán a ɓá"u̵ hȩn du̵u̵ tée, wú̵ń pú̵gu̵ ú̵.

Yesu duu o̧d dúú vu̵: “I sə̧' moo yúú dey voolı̵́ sá, moo Tayɨɨ a sə̧' ví moo sá, moo moo kíí sə̧' yȩ, Tayɨɨ wú̵ń sə̧'ə̧n ví moo wu̵ yu̵ á̧ḿ. Tayɨɨ wú̵ń kɔ́d ví hȩn kɔ́ ı̵́ kíí kɔ́d dey vu̵ wɔgɔ.

A̧máa kóó nɔ́nná a ki moo míí yɛ vu̵, a duun vu̵ né tée, man kan nán ya̧ŋ tóó ka yo̧o̧ lig woo hád sagadı̵́ má nɔ.

Moo ȩn mɔ́ ho̧ hó̧d waa nɔ́ɔ́ dam tóó woolı̵́, a̧máa mɔ́ ho̧n la' gbo̧o̧ ka dɨ nɔ́ɔ́ móólȩ́ yȩ nélá? Dəŋ née mɔ́ o̧d dam tóó: ‘A̧m yaa mí ɓɛ hó̧d waa móólȩ́ nɔ́lȩ́’ lá? Mɔ́ ho̧n la' gbo̧o̧ ka dɨ nɔ́ɔ́ móólȩ́ yȩ náa?

“I gág kan anábi vbád vu̵ ú̵, moo vú̵ń tii fó̧ó̧ yaan víílí kɔ́ ı̵́ mbee vu̵ wɔgɔ, a̧máa zó̧ó̧ voolı̵́ máa, vu̵ mbaa kɔ́ ı̵́ zág ya̧'a̧d vu̵ wɔgɔ. Víń gaa vu̵ kan ba'ad yȩ́ń voo nɔ. Vu̵ to̧'o̧n kaɓɔg ŋgagamé né náa? Vu̵ to̧'o̧n bo' gaŋhu̵u̵lı̵́ né náa?

La' du̵u̵ 'waapád vu̵ lii líid du̵u̵ɨ, a̧máa la' ɓı̵́d 'waapád vu̵ lii voo líid ɓı̵́d vu̵ yu̵.

La' du̵u̵ liin líid ɓı̵́d né, kóó la' ɓı̵́d liin líid du̵u̵ né á̧ḿ.

La' 'waapád ku̵u̵ liin líid du̵u̵ né máa, vú̵ń du̵ vu̵ gbɔ vɛlı̵́.