Popular Bible Verses from Lúg 6

Deildu

I pú̵ hȩnnɔ́, tée Tayɨɨ wú̵ń pú̵ ví hȩn á̧ḿ. Hȩn gú̵ggı̵́ du̵u̵ ku̵u̵ nam, ku̵u̵ igid, ka hi̧' na'a máa, wú̵ń pú̵ ví wu̵ yu̵. Tayɨɨ wú̵ń kɔ́d ví hȩn man 'má' kɔ́ ı̵́ kíí kɔ́d dey vu̵ wɔgɔ.”

Hȩn to̧o̧ ka dɨ zó̧ó̧ nánán to̧o̧ woolı̵́ máa, dɨ wu̵ yu̵ vunní. Nán hȩn ɓı̵́d kɔ́lı̵́ dɨ hȩn ɓı̵́d vunní ya hȩn ɓı̵́d woolı̵́. Moo hȩn ka hi̧' zó̧ó̧lȩ́ máa, ya̧g o̧ wu̵ yu̵.

A̧máa i hí̧í̧ ı̵́ maag víí vu̵ ú̵. I kɔ́d vu̵ hȩn du̵u̵ɨ. Kíí pú̵ ɓoo tée, i taa ba bi duu nuŋ hȩn tóó wu̵lı̵́ sá. Tée hȩn sú̵ú̵lı̵́ víí wú̵ń dɨlı̵́, gbo̧o̧ ba'a. Víń mbaa waa Tayɨɨ woo vu̵ yu̵. Wu̵ kɔ́ zó̧ó̧ nán yúú nán ku̵u̵ dȩgȩn nag né máa voolı̵́, kan nán lı̵́nné vu̵ á̧ḿ.

I kɔ́ zó̧ó̧ nán kɔ́ ı̵́ Ba' víí Tayɨɨ ka kɔ́ yȩ wɔgɔ.

“I sə̧' moo yúú dey voolı̵́ sá, tée Tayɨɨ wú̵ń sə̧'ə̧n ví moo né. I ga'ad dey vu̵ moo sá, tée Tayɨɨ wú̵ń ga'an ví moo né. I kéé hȩn ɓı̵́d dey voo gbɔ la tée, Tayɨɨ wú̵ń kéé ı̵́ víí gbɔ á̧ḿ.

“A̧máa ı̵́ kíí kɛ tɔ́g yȩ, mí o̧d ví, i hí̧í̧ ı̵́ maag víí vu̵ ú̵. Ɨ́ ku̵u̵ máń ví máa, i kɔ́d vu̵ hȩn du̵u̵ɨ. Ɨ́ ku̵u̵ fáá ví tée, i bag vu̵ víí hȩn. Nán ku̵u̵ mood ví moo ɓı̵́d tée, i ɓá'ad vu̵ Tayɨɨɨ.

Hȩn kíí hí̧í̧ nán u̵u̵ kɔ́d bi máa, i kɔ́d vu̵ wu̵ yu̵ á̧ḿ.

Nán ka dȩgȩm lá'ám ka' dágá tée, a̧m tii ka' kaa 'yɛ́ddu̵ á̧ḿ. Nán ka ɓɛm sa̧a̧m gbo̧o̧ tée, a̧m gbɔgɔ a ɓɛ sa̧a̧m waa á̧ḿ. Kóó nɔ́nná ka ɓá'am hȩn tée, a̧m pú̵gu̵ ú̵. Nán ka ɓɛm hȩn té' tée, a̧m duu vigi sá.

Ma Yesu duu o̧d vu̵: “La' du̵u̵ liin woo líid ɓı̵́d né. La' ɓı̵́d liin líid du̵u̵ né á̧ḿ.

Kóó la' woo ȩná, vu̵ gaawu̵ kan líid woo nɔ. Moo vu̵ to̧'o̧n bo' ŋgagamé né, vu̵ to̧'o̧n kaɓɔg gaŋhu̵u̵lı̵́ né á̧ḿ.