Popular Bible Verses from Yoohá̧na 12

Deildu

Nán tóó a bi kɔ́n ba'adɨ tée, a duun á̧ḿ. Ya a̧n mbaa wu̵lı̵́ máa, nán ba'ad míí wú̵ń mbaa wu̵lı̵́ á̧ḿ. Nán a kɔ́n ba'ad tée, Ba'á wú̵ń na"o̧ á̧ḿ.”

Nán a hí̧í̧ fó̧ó̧ woo tée, wú̵ń tiddu̵ ú̵. A̧máa nán a ma fó̧ó̧ woo hágá yɛlı̵́ tée, wú̵ń mbaa kannɔ káákáá.

Mí o̧d ví moo yȩ́ńne, tú̵d yȩ́ń ka pɛ hágá, ka bugu ní tée, mbaa yȩ́ń dágá yagalı̵́, a̧máa ka buŋ sú̵'ú̵ tée, kɔ́ yȩ́ń ɓu̵u̵lı̵́ na'a.

Míi túlí, mí yaa hágá yɛlı̵́ moo kóó nɔ́nná a 'yɛ́ zó̧ó̧ míílí̧ tée, a mbaa ya dimmí sá.

Nán tóó a ki moo míí ma, a duu ní tée, míńnɔ sə̧'ə̧n moo yúú woolı̵́ né, moo mí yaan moo wu̵ sə̧"ȩ́ yúú nán voolı̵́ né, a̧máa moo bi səd vu̵ ú̵.

Ma Maaríi ɓɛ duusá̧n tóó dȩ"ȩ́ na'a ku̵u̵ beewu̵ nárdə rééta líitər, ku̵u̵ hɨ sɨɨde na'a máa, túud Yesu dɔlı̵́, na'ad doo woo vu̵ kan yúú hú̧' woo. Lig hi̧' kan sa̧g woo.

Vu̵ du̵ kpag balí vu̵, vu̵ vúd laawu̵ hi̧naalȩ́, vu̵ lɛ́g, vu̵ o̧: “Tayɨɨ a gbɔm nánne! Ɨ́ 'yɛ́lı̵́ Tayɨɨ a bagam hȩnne, ı̵́ káḿ yaa kan yɛ́g woo yȩ nɔ, Tayɨɨ a bag gbanii Izraɛ́l voo hȩnne.”

Yesu hí̧i̧d vu̵ o̧: “Ɨ́ míí Tayɨɨ ka ba'an ya yɛ, sey a̧n nuŋ na"ȩ́ wu̵lı̵́ máa, ya̧ sú̵'ú̵.