Popular Bible Verses from 1 Corinthians 13

Deildu

Iñuk piviuttaqsriruaq iñuŋnik allanik qanułłayaitchuq taluġnaitchuġlu killuqsrautaitchuġlu uqavigaaġurriḷaitchuġlu. Iñuk piviuttaqsriruaq iñuŋnik allanik piġuqtilaitchuq inmiñik salliuniatalaitchuġlu. Iñuk piviuttaqsriruaq allanik iñuŋnik siŋñataitchuq, piavsayaiñmiuq, suli tumaqsiġiiḷaitchuq sunŋutchaunmiñ.

Iñuum piviuttaqsriruam allanik iñuŋnik manimmiḷḷagai pimaqłuutiŋich allat, ataramik ukpiġivlugu nakuuniqsraq iñuktigun, ataramik ququutivlugich pigigñiqsranik allat iñuich, suli manimmiḷgutiqaqtuiññaqłuni allanun iñuŋnun.

Iñuk piviuttaqsriruaq allanik iñuŋnik suuramikunnii quviasulaitchuq iñuich piḷuktualiqimmata, aglaan quviasuguuruq iñuich nalaunŋarualiqimmata.

Tavra iñuich ukpiqsimaniaqtut suli, niġiugniaqtutsuli, piviuttaqsriḷutiglu suli, aglaan taapkunaŋŋa piŋasuni piviuttaqqutiqaġniq allanun anniqsuutaułhamaapiaqtuq.

Piviuttaqqun inniaqtuq isuitchuamun. Aglaan aitchuusiaqaġniq uqaqtauniġmik God-mun piiġñiaqtuq, suli aitchuusiaqaġniq uqallasivḷugu iñuk nalukkaŋiñik uqautchiñik nutqaġniaġmiuq, suli aitchuusiaqaġniq God-miñ iḷisimallasivḷugu suna sivuani iḷisimaraiñŋaruaq, piiġñiaġmiuq.

Aitchuusiaqaġaluaġniġuma uqallaniġmik allagiiñik uqautchiñik nalukkamnik, uqallaluŋa allatun iñuktitun isaġuliktullu, aasii piviuttaqqutaiḷḷuŋa allanun iñuŋnun, uqaġniġa arriqaqtuq qukiġñaqsivḷugu kausugrukkaŋatitun savił̣hatun.

Suli aitchuusiaqaġmiguma uqaqtauniġmik God-mun, kaŋiqsiḷḷalugich iluqaisa sivuani kaŋiqsiḷaisaŋich iñuich iḷisimaluŋa supayaanik, naaggaqaa suaŋapiaġataqtuamik ukpiġutiqaġaluaġuma nuktallalugich iġġich aasii piviuttaqqutaiḷḷuŋa iñuŋnun, anniqsuutauŋitchuŋa.

Aitchuutigigaluaġmigupkich supayaurat pigikkatka iḷiappauruanun iñuŋnun, naaggaqaa timiga ikipkaqtitkaluaġupku pisigilugu tusaayugaaġiksuaq, aasii piviuttaqsriŋiḷḷuŋa iñuŋnik, akiḷiusiaksraitchuŋa.

Taamna uuktuutiqaġumiñaqtuq uumiŋa. Miqłiqtuuŋŋaġma, uqausiqaŋaruŋa miqłiqtum uqausiatun, suli miqłiqtutun isummasiqaqłuŋa, sivunniuġuuvluŋalu miqłiqtutun. Aglaan agliraksraiqama, aġiuŋagitka miqłiqtut piḷġusiŋich.