Popular Bible Verses from Mateusi 4

Deildu

– Ãnĩ! e'i Jesu ijupe. Kee e'i itõkõ Janejare'e ayvu ojikusiwa: “Ja'umã'ẽ poromokasi ke'ĩatu tè. Janejare'e ayvu mãerã tè poromokasi. Pirujẽ e'i maekwerà rupi ywesõ tijaiko”, e'i maekwerà, e'i Jesu ãjãgai rõvijã mogwe rã'ĩ.

Ãmẽ aepo e'i remẽ, Jesu e'i ijupe: – Ãnĩ! Janejare'e ayvu jikusiwarerà itõkõ kee e'i: “Janejare'e rõmõ'ĩte teremojõvijã imomojy ipi. Ijayvu rupi rõmõ'ĩte ikõ tapeiko ipi nẽ”, e'i ijayvu jikusiwarerà. Noromoe'e'ãi ajawyi. Kuise'ẽ ikõ ejisyry eo ewyi nẽ! e'i Jesu ãjãgai rõvijã pè.

Ãmẽ Jesu e'i ijupe: – [Ãnĩ! Napõ'ãi neayvu rupi!] Kee e'i itõkõ Janejare'e ayvu jikusiwarerà: “Terã'ã e'ã ikõ rejupa nẽ”, e'i Janejare'e jane, e'i Jesu ãjãgai rõvijã pè imogwe mijẽ.

Ãmẽ ajaire, Janejare'e 'Ãg weraa Jesu tekoe'ãma kyty. A'e rupi Jesu ekoi rã'ĩ. A'e pè ãjãgai rõvijã wã'ã tarepe Jesu esa mijã. [Opota ipe ojimojõvijãoka Jesu pè mijã.] A'e rupi ekoi remẽ, nojimi'ui rã'ĩ tesõ Jesu iko. 40 'arà rõmõ tesõ a'evo ekoi, ajaate nikasi tesõ amyay pè ky'y.

A'e kõ pè Jesu e'i: – Ja'e tuve erupi! Poropyteporopa eremimo'earà kõ rõmõ tapeiko. Ajaire poromonookatà Janejare'e ayvukwerà tapemome'u jane kõ pè, e'i Jesu ijupe kõ. Ameve pira mo'auta oity tepe'yte oo Jesu rupi kupa ky'y. Awyje oo upi kupa.

Ãmẽ Jesu Karireja yvy pè ekoi remẽ, Janejare'e ayvu rè poromotekokuwa ypy iko. Kee e'i: – Ke'ĩ Janejare'e ojikuwaokatà Jõvijã wasu rõmõ. [Ajawyi tapejipy'amogeta ikõ amãtejẽ peneko rè age'e nẽ.] Tapejimosĩoka peaiwererà rè. Tapejimome'u amãtejẽ Janejare'e pè peaiwererà reitypypyipaoka, e'i Jesu imo'e kõ.