Vinsæl biblíuvers úr Exodo 15

Deildu

Igkagi tô Áglangngagán, na mà din, “Atin ka tuu kó maminág kanak, asta lumun yu tô nángngà tun ta saruwan ku, asta mánnal kó katô mga sugù ku, asta tumanán yu tô langun ka palumun ku ákniyu, dì ku sikiyu supakan katô mga bógók na igpapid ku tun ta mga taga Ehipto. Sakán tô Áglangngagán na ágtabang ákniyu ébô kólian tô mga bógók yu.”

Tô Áglangngagán tô masarig taradóppón kanak, asta ágkanta a tingód kandin. Sikandin gó tô igpaluwà kanak. Sikandin tô Manama na pangadapán ku, asta durungán ku sikandin. Sikandin tô Manama na ágpangadapán katô ámmà ku, asta pabantugán ku sikandin.

Áglangngagán, ándà palang mga ágmanaman na magunawa áknikó! Ándà palang ugis na tuu madigár iring áknikó! Ándà palang ássa na duwán katulusan na ágkasalábbuan!

Ukit katô ginawa nu na ándà ágtamanán, igpid nu tô mga manubù na igtábbus nu. Ukit katô bákkár nu, igagak nu sikandan tun ta ugis góddóan nu.

Tô igdunggù dan tun ta Mara, agad duwán wayig, asal ándà dan ikénám su mappait. Purisu igngadanan ni na Mara. Igburáng-buráng tô mga manubù ki Moises, asta iginsà sikandan, na mà dan, “Ándin tô inámmán ta?” Purisu igrangin si Moises tun ta Áglangngagán, asta duwán kayu na igpakita katô Áglangngagán kandin. Tô igantug i Moises tô panga ka kayu tun ta wayig, inému tô wayig na madigár ginámmán. Na, dutun ta Mara duwán igsugù katô Áglangngagán kandan, asta igkinnaman din sikandan.