Popular Bible Verses from یوحنا ۱۹

Deildu

وختی عیسی شرابَ بیچیشته، بوگفته: «به انجام برسه.» بعد از اون، خو سرَ خمَ کوده و خو روحَ تسلیم بوکوده.

او وخت عیسی دأنستی کی همه چیز به انجام برسه؛ بوگفته: «تشنه‌یم!» به اَ خاطر بوگفته تا پیشگویی‌یٚ کیتابٚ موقدّس ثابت ببه.

وختی عیسی خو مار و او شاگردی‌یَ کی دوست دأشتی و اونٚ کنار ایسَه‌بو، بیده، خو مارَ بوگفته: «بانو، اَنه، تی پسر!» بعد از اَن او شاگردَ بوگفته: «اَنه، تی مار!» از او ساعت، او شاگرد، عیسی مارَ خودشٚ خانه ببرده.

امّا وختی به عیسی فأرسه‌ییدی، بیده‌ییدی کی بمرده، اونٚ ساقأنَ نشکنه‌ییدی. امّا ایتأ از سربازأن نیزه‌یَ اونٚ پهلویَ بزه و هو لحظه از اونٚ بدن خون و آب جاری بوبوسته.

اَشأن رخ بدَه تا پیشگویی‌یٚ کیتابٚ موقدّس ثابت ببه کی: «هیچ‌کدام از اونٚ استخوأنأن نشکفه.» و قسمتی دیگرم از کیتابٚ موقدّس کی گه: «اونی‌یَ کی به اون نیزه بزه‌ییدی، تماشا کونیدی.»

عیسی صلیب به دوش بیرون بوشو، به سمتٚ محلی به نامٚ جمجمه کی به زبانٚ عبرانیأن جُلجُتا خوأنده به.

و سربازأن، تاجی از خار ببافتیدی و اونٚ سر بنَه‌ییدی و لیباسی ارغوانی رنگ اونَ دوکودیدی