Popular Bible Verses from ROMMAI 8

Deildu

Eletao nou süwe süolouzü ha teitei hinou Ramaiye leshiyu puletaoye donou süolouzü puhvei leli thaifüa kulouyu puletao hisü Ramai nou avei donou vah soubaie.

Daiolouzü Enou süvuzüe süolouzü hatalinoua Eletaoye puh leshi hinou soukupa peilou hoe: athainou-a, ahrinou-a, rakivamainou-a, meizai pei hi khouko teiteinou-a, chuchuvei nataonou-a, vere nataonou-a, akuhi buyu deiphao nou-a, naphi buyu deiphao nou-a moa soukhai touyu basha teitei talinou-a Eletaoye Eletao Mapao Khrista Jisu hi buyu Ramai vei leshi süna hinou soukupa peilou hoe.

Süzhaibüa Eletao nou lelouhoyu ki Rakonou Eletaoye soukha peiwe; daiolouzü kabüa veachi paozüwe touyu sü Eletao nou sümoe; Rako lahnou chipaonou paopalou hoyu lanou le-a Eletaoye donou Ramai hinou khowe.

Süthaisü, haitao teitei zhuloua, Eletao nou dai paolai? Ramai hai Eletao donoue toulouzü, thaohnou Eletaoye duloulai?

Südonou chuo Khrista Jisu hinou hrüa buyu maitao donou mah dukhaiyu hare.

Kezhe züpaye panou tukha-a sahrüyu sünanou athai povewe; Rako züpaye panou tukha-a sahrüyu sünanou ahri ea kaonayu povewe

Moe, haitao teitei hinou Eletaowo Ehye leshi peiyu puh vanou reih koloumai jünou kouhie!

Enou chowe süolouzü chu teile haina hi Eletao nou veahoyu haina hai Eletao hi ngaopei laiyu vere khouko ava sünaye hakia paokha louhoe.

Sükuyu thaisü Eletaoye Khrista vei leshina hinou thaohnou soukupa khaipei lousüe? Souvea souchoyu nou laiwu moa veahoyu nou laiwu? Moa souvea souhoyu nou molouzü tokaayu nou laiwu? Moa baitouyu nou laiwu molouzü ha kayu moa khochenou laiwu?

Alia Eletao lekhe koute zhingao-a buyu Ramai nou Rako vei tsü nasü süwe; daiolouzü Rakonou Ramai vei maitao süh soua ea Ramai leli thaifüa puh hinou khowe.

Daiolouzü Ramai Rakonou süthaipeia buyu maitao sü Ramai nahpoututaoe.

Kezhe züpa thaifüa hrüyu puletao nou puletao vei tsü hai kezhe züpa hi pokhaitei khaitoua bue, Rako züpa thaifüa hrüyu puletao nou puletao vei tsü hai rako züpa hi pokhaitei khaitoua bue.

Lah puhnah poutuye-a phapei moa Eletao hrülai donou puhye thoupeiyu puhnou puhnah poutuye koa Eletao hi ha teitei sa-a peilai mowu?

Ramai Rako puh lahnou Eletao rakoye koa lou Eletao hai Ramai nahtaoe touyu sü zhopaoh souwe. Eletao hai puh nahmaitao baiyu donou puhnou puh maitao donou khaidakhai touyu hatao sü Eletao nou ngaolai, alia Ramai nou Khristaye donou khaidapei khaitouyu süna-a Eletao nou puhye koa ngaozholai; daiolouzü Eletao nou Khrista vei veahoyu sü koa zha ngaozho louzü, Eletao nou puh khouko avana-a koa zha ngaozholai.

Daiolouzü kezhe züpa thaifüa choyu sünanou Ramaiye motouwe; sünasü Ramai vei razhai khakhe hi bumoe, acheche nou sünanou bua bulouhoe.

Soukhai touyu basha teiteinou Ramai hinou zhishopoa puhnah poutu maitaoye ngaopeire sü khoa bue.

Daiolouzü chu koute hai soukhai touyu basha hai nah nareki khya souyu sou sübüa soua le-a bue touyu sü Eletao nou süwe.