Popular Bible Verses from ROMMAI 2

Deildu

O Asa, haibüyu vah souyu maiye nenou chiku lukhu newo Ramai nou chi kuyu hinou tupalousüe tea chowu? Moa newo dushoyu puhvei zhuvea, khopeilou süyu, alia shamea peiyu haitaoye ngaorawu? Veimosoua Ramai hai zhuvea peilousüe touyu sü nenou süwe, daiolouzü puhnou neye panou le daloure tewe.

Südonou O Asa, newo kukhe maiye chi kuwu? Ne sü maitalikhaia, neye donou halia khaipeire hae. Daiolouzü nenou maiye chikulukhu puletao nou souyu sübütoua nenou soubaiwe, sübüa nenou lah neye mah paodu khaiwe.

Daiolouzü Ramai nou maikhemai hrülaiye zhai alikhei hinou chikuwe.

Daiolouzü Ramai nghojünou checheyu maitao hai razhai keilouyu maitao moe, ana cheche maiwe tea paopeire maitao hai razhainou paoyu süna souyu maitaoe.

Daiolouzü Ramai nou mai alili hisü lah paomainou soukhai touyu vah süna thaifüa buu peilai.

Kukhemaitao sü dutounüwe ea acheche nasü zübawe, ana ashi nasü züwe, südonou puletao pei hi sü Ramai nou puhvei rarou ea lekha nasü lakou thoupeilai.

Ana nevei le khouyu ea le dabayu lethou buyu donou ne sü lah nepei hi Ramai nou puhvei acheche chi kulaiyu pongao laiyu puhvei rarou Teithe ki donou Ramai vei rarou nasü podzü khaibaiwe.