Popular Bible Verses from KOLOSSEMAI 2

Deildu

Südonou neletao nou Khrista Jisu ye nou Mapaowo süe tea polouyu donou, puhye koa ali soua hrülai. Neletaoye doupeiyu sübüa neletao maasü puh hi tsüloulo, puh vanou neletao hrümaisü soushu palo, alia neletao lüsü khoupu palo. Alia kalo paoyu nou phoupeia bulo.

Südonou Khrista hinou moa emainou doupeiyu zhai hinou shoshonou lapoa kouyu ea teideiphaoye tukha sahrüyu rakotao hinou vebaiyu emai tsüvei muh hayu dokaina vanou maitaliye panou neletaoye kilai souwuso.

Neletaosü teileli hisü neletao mah vanou ea neletaosü razhai hayu tahrüh kukhemai baiyu donou rako hilonou thaie. Ana chuo Ramai nou neletaoye Khristaye koa ahri hi pove peiwure. Ramai nou Eletao vei mah pfüphou hai khaipeire; zhai thaifüa Eletao pei hi motoua phukhai touyu raiphu süsü puhnou pheipa peiwure; haisü puhnou kros vanou veatheawu-a souhare.

Daiolouzü, puhvei emai hrü hisü, Ramai zhai teiteisü buchewe, alia puhye koa ali soulouyu hinou neletao hisü phoutaopfüa buyu ahri nasü peiwure. Puhnou rako hilo paopumai ea peichamai hrülai vei peichawo nasüe.

Südonou maitaliye panou neletaoye touso vanou moa kho-nüh reiyu vanou moa Khou Ashu reiyu vanou moa Soteithe reiyu vanou chi kuwuso. Haitao teitei hai thaikhai hi vere nataovei khu baie; chekhaoyu nawo louzü Khrista baie.