Kinyarwanda - 1996 Edition (NT)

<div class="version vid395 iso6393kin" data-vid="395" data-iso6393="kin">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Umugani w'umupfakazi n'umucamanza</div><div class="p"> 1Yezu acira abigishwa be umugani, kugira ngo abumvishe ko bagomba guhora basenga ntibacogore. 2Aravuga ati: &#8220;Mu mujyi umwe habayeho umucamanza utatinyaga Imana, kandi ntagire n'umuntu yitaho. 3Muri uwo mujyi hakaba umupfakazi wahoraga aza kumubwira ati: &#8216;Nkiranura n'undenganya.&#8217; 4Uwo mucamanza akabyangirira, hahita igihe. Ageze aho aribwira ati: &#8216;Nubwo ntatinya Imana bwose kandi singire n'uwo nitaho, 5ariko uyu mupfakazi arandembeje. Reka urubanza rwe nduce rurangire, kugira ngo ye gukomeza kuza kumena umutwe.&#8217; &#8221;</div><div class="p"> 6Nyagasani Yezu yungamo ati: &#8220;Ese ntimwumvise amagambo y'uwo mucamanza w'umuhemu? 7None se Imana yo yabura ite kurenganura abo yitoranyirije, bayitakambira ijoro n'amanywa? Mbese aho izatinda kubagoboka?#Mbese aho izatinda kubagoboka: cg Icyakora koko irabareka bagategereza. 8Ndababwira ko igihe kizagera ikabarenganura bwangu. Ariko se ubwo Umwana w'umuntu azaza, azasanga ku isi hari abamwemera?&#8221;</div><div class="s">Umugani w'Umufarizayi n'umusoresha</div><div class="p"> 9Umugani ukurikira na wo Yezu yawuciriye abantu bamwe biyiziho ubutungane, bagasuzugura abandi. 10Aravuga ati: &#8220;Habayeho abantu babiri bazamutse bajya mu rugo rw'Ingoro y'Imana gusenga, umwe yari Umufarizayi undi ari umusoresha. 11Umufarizayi ahagarara yemye asenga bucece ati: &#8216;Mana, ndagushimira ko ntameze nk'abandi bantu b'ibisambo n'abahemu n'abasambanyi, cyangwa ngo mbe ndi nk'uriya musoresha. 12Nigomwa kurya kabiri mu cyumweru, ngatanga na kimwe cya cumi cy'ibyo nunguka byose.&#8217;</div><div class="p"> 13&#8220;Umusoresha we yihagararira kure adatinyuka no k&#363;bura amaso ngo arebe ku ijuru, yifata mu gituza yigaya ati: &#8216;Mana, ndi umunyabyaha ngirira imbabazi!&#8217; &#8221; 14Nuko Yezu yungamo ati: &#8220;Reka mbabwire: uwo musoresha yasubiye iwe agizwe intungane ku Mana, naho undi reka da! Kuko buri muntu wese wishyira hejuru azacishwa bugufi, naho uwicisha bugufi azashyirwa hejuru.&#8221;</div><div class="s">Yezu yakira abana bato</div><div class="r">(Mt 19.13-15; Mk 10.13-16)</div><div class="p"> 15Abantu bazanira Yezu impinja ngo azikoreho, maze abigishwa be babibonye barabacyaha. 16Yezu yiyegereza izo mpinja aravuga ati: &#8220;Nimureke abana bato bansange, mwibabuza kuko ubwami bw'Imana ari ubw'abameze nka bo. 17Ndababwira nkomeje ko ut&#257;kira ubwami bw'Imana nk'uko umwana muto abw&#257;kira, atazabwinjiramo bibaho.&#8221;</div><div class="s">Umuntu w'umukungu asanga Yezu</div><div class="r">(Mt 19.16-30; Mk 10.17-31)</div><div class="p"> 18Nuko haza umutware abaza Yezu ati: &#8220;Mwigisha mwiza, nakora iki kugira ngo mpabwe ubugingo buhoraho?&#8221;</div><div class="p"> 19Yezu aramusubiza ati: &#8220;Unyitiye iki mwiza? Nta mwiza n'umwe ubaho uretse Imana yonyine. 20Uzi Amategeko ngo &#8216;Ntugasambane, ntukice, ntukibe, ntukabeshyere abandi, wubahe so na nyoko.&#8217; &#8221;</div><div class="p"> 21Undi aramusubiza ati: &#8220;Ayo yose narayakurikije kuva mu buto bwanjye.&#8221;</div><div class="p"> 22Yezu abyumvise aramubwira ati: &#8220;Icyakora ushigaje kimwe: genda ugurishe ibyo utunze byose ibivuyemo ubigabanye abakene, ni bwo uzaba ufite ubutunzi mu ijuru, maze uze unkurikire.&#8221; 23Uwo muntu abyumvise arashavura kuko yari umukungu.</div><div class="p"> 24Yezu abibonye atyo, aravuga ati: &#8220;Mbega ukuntu biruhije abakungu kwinjira mu bwami bw'Imana! 25Icyoroshye ni uko ingamiya yanyura mu mwenge w'urushinge, kuruta ko umukungu yakwinjira mu bwami bw'Imana.&#8221;</div><div class="p"> 26Abamwumvaga barabaza bati: &#8220;Noneho se ni nde ubasha kurokoka?&#8221;</div><div class="p"> 27Yezu aravuga ati: &#8220;Ibidashobokera abantu, Imana irabishobora.&#8221;</div><div class="p"> 28Nuko Petero aramubwira ati: &#8220;Twebwe twasize ibyacu byose turagukurikira.&#8221;</div><div class="p"> 29Yezu arababwira ati: &#8220;Ndababwira nkomeje ko umuntu wese wasize urugo cyangwa umugore cyangwa abavandimwe, cyangwa ababyeyi cyangwa abana kubera ubwami bw'Imana, 30atazabura guhabwa ibiruseho incuro nyinshi muri iki gihe, kandi no mu gihe kizaza akazahabwa ubugingo buhoraho.&#8221;</div><div class="s">Yezu avuga ubwa gatatu ko azapfa akazuka</div><div class="r">(Mt 20.17-19; Mk 10.32-34)</div><div class="p"> 31Nuko Yezu yihererana n'abigishwa be cumi na babiri, arababwira ati: &#8220;Dore tugiye i Yeruzalemu, maze Ibyanditswe byose n'abahanuzi byerekeye Umwana w'umuntu bisohozwe. 32Azagabizwa abanyamahanga#abanyamahanga: aha ni ukuvuga abategetsi b'Abanyaroma. bamushinyagurire, bamutuke kandi bamuvundereze amacandwe. 33Nuko nibamara kumukubita ibiboko, bazamwica maze ku munsi wa gatatu azuke.&#8221;</div><div class="p"> 34Ibyo byose biyobera abigishwa be, iryo jambo ribabera urujijo ntibamenya ibyo ashatse kubabwira.</div><div class="s">Yezu ahum&#363;ra impumyi</div><div class="r">(Mt 20.29-34; Mk 10.46-52)</div><div class="p"> 35Yezu agera hafi y'i Yeriko, hari impumyi yari yicaye iruhande rw'inzira isabiriza. 36Yumvise imbaga y'abantu bahita ibaza ibyo ari byo.</div><div class="p"> 37Babwira uwo muntu bati: &#8220;Ni Yezu w'i Nazareti uhita.&#8221; 38Nuko arangurura ijwi ati: &#8220;Yezu mwene Dawidi, ngirira impuhwe!&#8221;</div><div class="p"> 39Abari imbere baramucyaha ngo aceceke. Ariko we arushaho kurangurura ati: &#8220;Mwene Dawidi, ngirira impuhwe!&#8221;</div><div class="p"> 40Yezu arahagarara ategeka ko bamumuzanira. Amugeze iruhande, Yezu aramubaza ati 41&#8220;Urashaka ko ngukorera iki?&#8221;</div><div class="p">Na we ati: &#8220;Nyagasani, mpum&#363;ra!&#8221;</div><div class="p"> 42Yezu aramubwira ati: &#8220;Ngaho humuka, ukwizera kwawe kuragukijije.&#8221;</div><div class="p"> 43Ako kanya arahumuka, amukurikira asingiza Imana. Rubanda rwose babibonye bahimbaza Imana.</div>
 </div>
 </div>
</div>

Bibiliya Yera © Bible Society of Rwanda, 2001 

Yezu acira abigishwa be umugani, kugira ngo abumvishe ko bagomba guhora basenga ntibacogore. Aravuga ati: “Mu mujyi umwe habayeho umucamanza utatinyaga Imana, kandi ntagire n'umuntu yitaho. Muri uwo mujyi hakaba umupfakazi wahoraga aza kumubwira ati: ‘Nkiranura n'undenganya.’ Uwo mucamanza akabyangirira, hahita igihe. Ageze aho aribwira ati: ‘Nubwo ntatinya Imana bwose kandi singire n'uwo nitaho, ariko uyu mupfakazi arandembeje. Reka urubanza rwe nduce rurangire, kugira ngo ye gukomeza kuza kumena umutwe.’ ”
Nyagasani Yezu yungamo ati: “Ese ntimwumvise amagambo y'uwo mucamanza w'umuhemu? None se Imana yo yabura ite kurenganura abo yitoranyirije, bayitakambira ijoro n'amanywa? Mbese aho izatinda kubagoboka? Ndababwira ko igihe kizagera ikabarenganura bwangu. Ariko se ubwo Umwana w'umuntu azaza, azasanga ku isi hari abamwemera?”

Umugani ukurikira na wo Yezu yawuciriye abantu bamwe biyiziho ubutungane, bagasuzugura abandi. Aravuga ati: “Habayeho abantu babiri bazamutse bajya mu rugo rw'Ingoro y'Imana gusenga, umwe yari Umufarizayi undi ari umusoresha. Umufarizayi ahagarara yemye asenga bucece ati: ‘Mana, ndagushimira ko ntameze nk'abandi bantu b'ibisambo n'abahemu n'abasambanyi, cyangwa ngo mbe ndi nk'uriya musoresha. Nigomwa kurya kabiri mu cyumweru, ngatanga na kimwe cya cumi cy'ibyo nunguka byose.’
“Umusoresha we yihagararira kure adatinyuka no kūbura amaso ngo arebe ku ijuru, yifata mu gituza yigaya ati: ‘Mana, ndi umunyabyaha ngirira imbabazi!’ ” Nuko Yezu yungamo ati: “Reka mbabwire: uwo musoresha yasubiye iwe agizwe intungane ku Mana, naho undi reka da! Kuko buri muntu wese wishyira hejuru azacishwa bugufi, naho uwicisha bugufi azashyirwa hejuru.”


Abantu bazanira Yezu impinja ngo azikoreho, maze abigishwa be babibonye barabacyaha. Yezu yiyegereza izo mpinja aravuga ati: “Nimureke abana bato bansange, mwibabuza kuko ubwami bw'Imana ari ubw'abameze nka bo. Ndababwira nkomeje ko utākira ubwami bw'Imana nk'uko umwana muto abwākira, atazabwinjiramo bibaho.”


Nuko haza umutware abaza Yezu ati: “Mwigisha mwiza, nakora iki kugira ngo mpabwe ubugingo buhoraho?”
Yezu aramusubiza ati: “Unyitiye iki mwiza? Nta mwiza n'umwe ubaho uretse Imana yonyine. Uzi Amategeko ngo ‘Ntugasambane, ntukice, ntukibe, ntukabeshyere abandi, wubahe so na nyoko.’ ”
Undi aramusubiza ati: “Ayo yose narayakurikije kuva mu buto bwanjye.”
Yezu abyumvise aramubwira ati: “Icyakora ushigaje kimwe: genda ugurishe ibyo utunze byose ibivuyemo ubigabanye abakene, ni bwo uzaba ufite ubutunzi mu ijuru, maze uze unkurikire.” Uwo muntu abyumvise arashavura kuko yari umukungu.
Yezu abibonye atyo, aravuga ati: “Mbega ukuntu biruhije abakungu kwinjira mu bwami bw'Imana! Icyoroshye ni uko ingamiya yanyura mu mwenge w'urushinge, kuruta ko umukungu yakwinjira mu bwami bw'Imana.”
Abamwumvaga barabaza bati: “Noneho se ni nde ubasha kurokoka?”
Yezu aravuga ati: “Ibidashobokera abantu, Imana irabishobora.”
Nuko Petero aramubwira ati: “Twebwe twasize ibyacu byose turagukurikira.”
Yezu arababwira ati: “Ndababwira nkomeje ko umuntu wese wasize urugo cyangwa umugore cyangwa abavandimwe, cyangwa ababyeyi cyangwa abana kubera ubwami bw'Imana, atazabura guhabwa ibiruseho incuro nyinshi muri iki gihe, kandi no mu gihe kizaza akazahabwa ubugingo buhoraho.”


Nuko Yezu yihererana n'abigishwa be cumi na babiri, arababwira ati: “Dore tugiye i Yeruzalemu, maze Ibyanditswe byose n'abahanuzi byerekeye Umwana w'umuntu bisohozwe. Azagabizwa abanyamahanga bamushinyagurire, bamutuke kandi bamuvundereze amacandwe. Nuko nibamara kumukubita ibiboko, bazamwica maze ku munsi wa gatatu azuke.”
Ibyo byose biyobera abigishwa be, iryo jambo ribabera urujijo ntibamenya ibyo ashatse kubabwira.


Yezu agera hafi y'i Yeriko, hari impumyi yari yicaye iruhande rw'inzira isabiriza. Yumvise imbaga y'abantu bahita ibaza ibyo ari byo.
Babwira uwo muntu bati: “Ni Yezu w'i Nazareti uhita.” Nuko arangurura ijwi ati: “Yezu mwene Dawidi, ngirira impuhwe!”
Abari imbere baramucyaha ngo aceceke. Ariko we arushaho kurangurura ati: “Mwene Dawidi, ngirira impuhwe!”
Yezu arahagarara ategeka ko bamumuzanira. Amugeze iruhande, Yezu aramubaza ati “Urashaka ko ngukorera iki?”
Na we ati: “Nyagasani, mpumūra!”
Yezu aramubwira ati: “Ngaho humuka, ukwizera kwawe kuragukijije.”
Ako kanya arahumuka, amukurikira asingiza Imana. Rubanda rwose babibonye bahimbaza Imana.

Listen to Luka 18