Bido Ebe A | Nzọụkwụ Mbụ Gasị Na JizọsIhe Nhụchatụ

Mak 14-15 | Obe

Nnọ nụ ndị enyi m. Taa njem anyị na-eduga anyị na Mak Isi Iri na anọ na ebe ụzọ wara awa ebe ihe nnukwu ihe mere n'akuko maka ihe gara aga. Ìgwè mmadụ nọ na Jeruselem na-amụba ka ụbọchị ememme ha na-eru. Ndị ndú ndị Juu nakwa na-agba izu - nkata a kpara igbu Jizọs. Ka esemokwu a na-arị elu, Jizọs kpọọrọ ndị na-eso ụzọ Ya pụọ ​​ka ha mekọta Ememme Ngabiga ọnụ n'ọnụ ụlọ dị n'elu.

Ka ndị na-eso ụzọ Jizọs nọdụrụ ala maka oriri ahụ, Jizọs kwupụtara na otu n’ime ha ga-arara Ya nye. Ịrara mmadụ nye bụ ọnyá miri emi, Jizọs makwaara nke ahu ofuma. Ma ugbu a, Judas nọdụ ala n'akuku Jizọs dị ka enyi. Ma n’amaokwu nke iri abụọ na abụọ,

"Jizọs werela achịcha, nyawaa ya, ma gwa ndị na-eso ụzọ Ya, Were ya; nke a bụ ahụ́ M.” Nakwa otu iko mmanya, “Nke a bụ ọbara M nke ọgbụgba ndụ ọhụrụ, nke a wụsara maka ọtụtụ mmadụ.”

Anyị na-akpọ ya Kọmuniọnụ. Ndị Kraịst na-asọpụrụ ya n'ụwa nile ruo taa, jiri achịcha iji cheta ahu Jizọs gbajiri agbaji n'elu obe, na mmanya iji na-echeta ọbara Jizọs. Jizọs na-eguzobe ọgbụgba ndụ ọhụrụ - mmekọrịta ọhụrụ dị n'etiti Chineke na mmadụ - n'ime ọbara Ya. E nwere ihe nnọchianya miri emi na ihe ọ pụtara ebe a, ma ugbu a, ọ zuru ezu icheta Jizọs.

Abali wee na-aga n'ihu. Judas e jiri ebumnobi ọjọọ wee pụọ. Ha e richaa nri, Jizọs E kpee ekpere, wee duru ha gaa n’otu ogige dị nso a na-akpọ Getsemane.

Ọ bụ etiti abalị ugbu a, mana ọnwa zuru ezu na-amụnye oku na ọchịchịrị di. Jizọs kpọọrọ ndị na-eso ụzọ atọ gaa n’akụkụ, wee kesaa obi Ya,

“Mkpụrụ obi M jupụtara n'iru uju ruo ọnwụ.”

Ọ siri ha ka ha kpee ekpere, wee gawa n'ebe n'adighi anya iji wee nwe ike ikpe ekpere naani Ya, wee rịọ Nna Ya “ka ọ bụrụ na ọ ga-ekwe omume ka oge awa ahụ gabiga” Ya.

Ọ lọghachiri wee hụ ndị na-eso ụzọ Ya ka ha na-arahụ ụra. Ọ kpọtere ha, gaa kpee ekpere ọzọ. Ọ laghachitara. Ha na-ehi ụra ọzọ. Mana ugbu a, oge eruola, Judas achirila otu ìgwè ndị agha wee lọta. Nraranye e zuola oke. Ha jidere Jizọs wee kpụgaa Ya n’ihu Onye-isi-nchu-àjà.

Ugbu a bụ Fraịde, obere oge tupu anyanwụ awaa. Jizọs guzo n’ihu Kefas, bụ́ Onye-isi-nchu-àjà. N'amaokwu nke iri ise na isii:

“Ọtụtụ ndị gbara akaebe ụgha megide Ya, mana okwu ha ekwekotaghị.”

Ebubo fere n'elu fee n'ala, mana n’amaokwu nke iri isii na otu,

"Jizọs gbachiri nkịtị, Ọ zaghịkwa ihe ọ bụla. Onye-isi-nchu-àjà wee juo Ya ozo, Gì onwe-gi Ị bụ Mezaiya ahu, Ọkpara nke Onye Ahu Agọziri Agọzi?' 'Abụ M Ya,' ka Jizọs kwuru."

N’ihi nke a, na naanị nke a, Onye-isi-nchu-àjà mara Jizọs ikpe maka nkwulu - maka onye Ọ kwuru na Ya bụ.

Ya mere, ndị ndú ndị Juu kere Jizọs agbụ wee kpụrụ Ya gakwuru onye ọchịchị Rom, bụ́ Pọntiọs Paịleti. Mak 15, amaokwu nke abụọ:

"'Ị̀ bụ eze ndị Juu?' Paịleti jụrụ Ya.

'Ị kwuwo ya,’ ka Jizọs zara ya."

Ebokwasịkwara Jizọs ebubo ndị ọzọ, mana Ọ juru iza ha. N’ime ya nile, Ọ na-aza nanị ajụjụ ndị ahụ banyere onye Ọ bụ. Nke a bụ otu ihe dị mkpa.

Ebubo niile e boro Ya ekwekotaghị, Paịleti guzogidekwara ịma onye aka ya dị ọcha ikpe. Mana ndị nchụàjà yiri ya egwu nnupụisi. N'amaokwu nke iri na abụọ,

"Gịnịzi, ka m ga-eme onye unu na-akpọ eze ndị Juu?..."

"Kpọgide Ya n'obe!..."

"Maka gịnị? Kedu mpụ Ọ mere?..."

Mana ha tisiri mkpu ike n’olu dara ụda, “Kpọgide Ya n’obe!"

Paịleti wee kwenyere ha: E tiri Jizọs ihe n'ụzọ di njo, wee werekwa ìgwè ndi-agha juru eju duru Ya je n'obíeze. Ha werela okpueze eji ogwu mee kwaa Ya emo, na uwe mwụda na-acha odo odo, na iti ihe ma gbuo Ya asu. Jizọs E mewo ka ọ doo anya onye Ọ bụ, ndị nche ahụ gosipụtakwara n'agwa ha ihe ha chere banyere Ya.

Ha mechachara ihe ọchị ha di mmwute, wee duru Jizọs gawa Gọlgọta. N'amaokwu nke iri abụọ na anọ:

"...ha kpọgidere Ya n'obe. N'ikesa uwe-Ya, ha fekwara nzà ka ha mara ihe onye ọ bula ga-anata. Ọ bụ elekere itoolu n'ụtụtụ mgbe ha kpọgidere Ya n'obe."

Mkpọgide n’obe bụ ihe akaebe nke obi ọjọọ na-enweghị ihere nke ụmụ mmadụ. Ọ bụ ntaramahụhụ jọgburu onwe ya maka mpụ, ndị Rom chọkwara ka ndị mmadu mara kpọmkwem ihe mere e ji kpọgide onye ọ bụla n’obe. Ya mere, ha jiri bipụta akara maka “mpụ” Ya. E boro Ya ebubo na-agụ n'ụzọ dị mfe: “Eze ndị Juu.”

Awa atọ gafere na nnukwute mgbu. N'amaokwu nke iri atọ na atọ:

“N’etiti ehihie, ọchịchịrị gbara n’ala ha dum ruo n'elekere atọ nke ehihie.”

Banyegodi n'akụkọ a anyị n'akọ maka ya nwa oge, ma guzoro n'ọchịchịrị ahu. Nụrụ ndị na-akwa emo ka ha na-akwa emo, umu nwaanyi na-ebe ákwá, na obi ike n'enweghi mgbaga nke ndị nche ahu. Ma n'ebe ahụ n'ihu gị otu nwoke no n'elu obe. Ihe e dere n’elu isi Ya bụ “Eze ndị Juu.”

Ònye bụ nwoke a?

Na ka ị guzo n’ebe ahụ na-atughari uche banyere Ya, amaokwu iri atọ na asaa:

“Jiri oké mkpu, Jizọs kuru ume Ya nke ikpeazu. Ákwà-nkwuba nke ụlọ ukwu Chineke e wee kewaa site n'elu rue ala. Ma mgbe onye-isi-ndị-agha, bụ onye kwu ebe ahu n'ihu Jizọs, huru ka Ọ si nwuo, ọ kwuru si, “N'ezie, nwoke a bụ Okpara Nke Chineke!”

Ọ agwụla ugbu a. Paịleti zipụrụ onye-isi-ndị-agha ọzọ ka ọ were ogologo agụba chawaa akụkụ Ya iji mara n'ezie ma Ọ nwuola. Onye ọ bụla ọ bụ, ọ nwụọla pii ugbu a. Ma ka ị na-atụgharị isi na ihe niile a pụọ, onye ị na-amaghi akwụsị gị juo si. "Ònye ka ị chere na ọ bụ?”

Ya mere, gịnị ka ị na-ekwu? Ònye ka Jizọs bụ?

Maka Ntụgharị Uche na Mkparịta Ụka

• N'ọnwụnwa Ya, gịnị mere i ji chee na naanị ihe Jizọs zara bụ ajụjụ maka onye ọ bụ? Gịnị mere nke ahụ ji dị mkpa?
• Gịnị ka mkpọgide Jizọs n'elu obe pụtara nye gị? Kekọrịta akụkọ gị.